Euskal haurrei laguntza!
Euskal haurrei laguntza (txekieraz: Pomozte baskickym detěm!) Oskar Kokoschkaren margolana da. Bilboko Arte Ederren Museoan dago ikusgai[1]. 1937an sortu zuen Gernikako bonbardaketaren ostean eta Espainiako Gerra Zibilari lotutako euskal haur errefuxiatuei laguntza emateko asmoz[2]. Pablo Picassok Guernica margotu zuen urte berean egin zen. Gouache teknika erabiltzen du.
| Euskal haurrei laguntza! | |
|---|---|
| Jatorria | |
| Sortzailea(k) | Oskar Kokoschka |
| Sorrera-urtea | 1937 |
| Izenburua | Pomozte baskickym dětem! |
| Ezaugarriak | |
| Materiala(k) | paperra |
| Dimentsioak | 96,9 ( ) × 74,2 ( ) cm |
| Genero artistikoa | margolaritza historikoa |
| Deskribapena | |
| Kokapena | |
| Lekua | Bilboko Arte Ederren Museoa |
| Bilduma | Bilboko Arte Ederren Museoa |
| Inbentarioa | 84/73 |
Deskribapena
aldatuKokoschkaren lan hau diptiko baten moduan egina dago, erbesteratzera derrigortuak diren familia bat margotuz. Konkretuki gazte bat agertzen da, haur bat besoetan duelarik eta beste ume bat eskutik helduta. Ezkerrean bonbardaketaren irudia dago, eskubian Praga dago, artistaren bizilekua garai horretan.[2]
Artelanaren helburua
aldatu1937an, Espainiako Gerra Zibilari lotuta, milaka ume atera behar izan ziren Europan zehar errefuxiatzera. Testuinguru honetan Bohemiako hainbat herritan kanpaina bat abiatu zen Gernikako bonbardaketaren biktima ziren haur errefuxiatuak hartzeko. Kokoschkak bere memorietan dioenez kartela egunero kentzen zuen Pragako poliziak paretetatik eta gauero berriro jartzen zuten ekimena babesten zuten gazteek.[3]
Erreferentziak
aldatu- ↑ Colección online y Banco de imágenes | Museo de Bellas Artes de Bilbao. (Noiz kontsultatua: 2017-02-16).
- ↑ a b (Gaztelaniaz) «Aquel cartel de Kokoscha '¡Ayuda de los niños vascos!' - Mugalari» Mugalari (Noiz kontsultatua: 2017-02-16).
- ↑ (Gaztelaniaz) Obras como Cabeza llorando de Picasso o Hércules lucha con el león de Nemea de Zurbarán veranearán en San Sebastián - Donostia / San Sebastián 2016 Capital Europea de la Cultura. (Noiz kontsultatua: 2017-02-16).[Betiko hautsitako esteka]
Kanpo estekak
aldatu
Datuak: Q28790931
