Eusebio Zuloagak egindako eskopeta

Armagintza Museoko pieza

Eusebio Zuloagak egindako eskopeta Eibarko Armagintzaren Museoan dagoen 1864ko eskopeta bat da[1][2].

Eusebio Zuloagak egindako eskopeta
Fabrikazioa
SortzaileaEusebio Zuloaga
Historia
Sorrera1864
Ezaugarriak
Dimentsioak1.140 (luzera) mm

Testuingurua

aldatu

Eusebio Zuloagak Elisabet II.a Erreginaren garaian errege arkabuzgile titulua bereganatu zuen, eta, armagina izateaz gain, damaskinatuaren teknika apaingarriaren bultzatzaile nagusietako bat izan zen, zeinaren bidez pikaketa erronboidal finez inkrustazioak hartzeko azalera prestatzen baitzen. Armagintzaren ogibidea txikitatik ikasi zuen, izan ere, lehendabizi Soraluzen bizi zen bere osaba Ramon izan zuen irakasle eta ondoren bere aita Madrilen; geroago, Parisen bukatu zituen ikasketak Jean Lepageren lantegian. Horrela, denboraren poderioz, nazioartean maisu ezaguna bilakatu zen (1830-32).

1843. urtean Errege Armategiko Teniente Armagin Gorena izendatu zuten eta 1844. urtean Elisabet II.ak Errege Arkabuzgilea kargua eman zion. Bi lantegi izan zituen Eusebiok, bata 1842. urtean ireki zuen Madrilen, eta bestea Eibarren 1848an.

Deskribapena

aldatu
 
Eskopetaren perkusio-sistemaren xehetasuna.

Lefaucheux sistemaren bidez eraikia izan zen eta urrezko eta zilarrezko apainketa damaskinatua dauka pieza osoan. Kanoiaren goiko aldean ekoizpen urtea eta ekoizlearen izena ere ageri dira damaskinaturik "Eusebio Zuloaga Arcab. De S.M. Año 1864 En Eibar". Apainketa elementuak aipaturiko kanoitik hasita eskopetaren kutxa edota katu-babeseraino.

Giltzak galburuko perkusio-sistema dira, eta “frantziar erara” atzeratutako bi giltza ditu, baita urrezko eta zilarrezko damaskinatu akaberak ere. Pieza hau gordailu bezala erabili ahal izateko kutxa batekin dator. Eskopetarekin batera, honen erabilpen egoki eta mantentze lanetarako egokiak diren gehigarriak ere badira.

Erakusketaren historia

aldatu

Bildumagile baten eskuetatik igaro zen Armagintzaren Museora.

Erreferentziak

aldatu
  1. «Eusebio Zuloagaren eskopeta damaskinatua 1864» Armia museoa (Noiz kontsultatua: 2024-05-10).
  2. «Eusebio Zuloagak egindako eskopeta 1864an» museotik.euskadi.eus 2024-02-05 (Noiz kontsultatua: 2024-05-10).

Kanpo estekak

aldatu