Euli-txori beltz

Europako euli-txori espeziea. Arrak bizkar beltza eta sabelalde zuria du eta hegoetan orban zuriak ditu. Emeak grisa du beltzaren ordez
Euli-txori arrunt» orritik birbideratua)

Euli-txori beltza edo euli-txori arrunta (Ficedula hypoleuca) muscicapidae familiako hegazti paseriformea da, Europa eta mendebaldeko Asian bizi dena[1]. Ez dago arrisku-egoeran, Europan 25-39 milioi ale daudela estimatzen da.

Euli-txori beltz
Iraute egoera

Arrisku txikia (IUCN 3.1)
Sailkapen zientifikoa
ErreinuaAnimalia
FilumaChordata
KlaseaAves
OrdenaPasseriformes
FamiliaMuscicapidae
GeneroaFicedula
Espeziea Ficedula hypoleuca
Pallas, 1764
Banaketa mapa
Datu orokorrak
Masa1,7 g (pisua jaiotzean)
12 g (helduen pisua)
Zabalera22 cm
Kumaldiaren tamaina5,7
Eguneko zikloaeguneko
Errute denbora14 egun
Ficedula hypoleuca hypoleuca

Txori txikia da, 12-13,5 cm luze. Arrak eta emeak nahiko diferenteak dira (sexu-dimorfismoa). Kumealdian arra goialdean beltza da nagusiki, eta behealdean zuria. Udazkenean eta neguan lumek emearen itxura handiagoa hartzen dute, buruan eta lepoan arre eta hegaletan beltz. Arrak beti du gune zuri bat bekokian, mokoaren gain-gainean. Emea zuria da azpitik eta arrea gainetik, hegalak baina beltzaxkak dira. Sexu bietan orban zuri bat dute hegoan hirugarren mailako lumetan. Mokoa beltza da, luzanga, mehea eta puntazorrotza.

Txori txiki honek Euskal Herria udan baino ez du bisitatzen. Gainontzean Sahara hegoaldera bidaiatzen du bertako klima beroaz gozatzera. Halere, erraza da euli-txori beltza ikustea intsektu bila etengabe ibiltzen baita harat-honat hegaka. [2]

Euskaraz beste izen hauek ere erabiltzen dira: Pin-pin, Pit-pit, Txin-txin, Txinbo, Txinbo hegozuri.[3]

Erreferentziak aldatu

  1. BirdLife International (2004). Ficedula hypoleuca. 2006. IUCN Red List of Threatened Species. IUCN 2006
  2. Perurena, Garikoitz. Euli-txori beltza (Ficedula hypoleuca). Euskalnatura UEU (Noiz kontsultatua: 2017-04-17).[Betiko hautsitako esteka]
  3. Euli-txori beltza. txoriak.eus (Noiz kontsultatua: 2017-04-17).


  Artikulu hau biologiari buruzko zirriborroa da. Wikipedia lagun dezakezu edukia osatuz.