Eritema multiformea[1] larruazaleko gaixotasun akutu edo kroniko errepikaria da, izaera immunologikokoa, larruazaleko lesio eritematosoak eta mukosetako babak dituena. Infekzio baten edo farmakoarekiko esposizioaren ondoren sor daiteke.[2] Eritema multiformea edozein adinetan ager daiteke, maiztasun handiagoarekin bizitzako bigarren eta hirugarren hamarkaden artean. Arraroa da haurretan. Urteko intzidentzia orokorra 0,8tik 6ra bitartekoa da milioiko urtean. Gizonezkoetan emakumezkoetan baino gehiago agertzen da, 3:2ko proportzioan.[2]