Baba, pusla edo ikortzirina larruazaleko puxikatxoa da, likido serosoz betetako epidermisaren goragune mugatu batek sortua[1]. Igurzte, erredura, izotz, gai kimiko edo infekzioen eraginez sor daiteke.
Normalean baba bakarrik sendatzen da, hots, tratamendurik gabe, azalak infekzioetatik babesten duelako. Horrela, likidoa xurgatzen den ahala, babaren azala lehortuko da. Ez apurtzeko, apositu batekin babesten ahal da.
Infekzioak ekiditeko, puslak ez dira zulatu edo lehertu behar. Bere gisa lehertzen badira,
antiseptikoa eman eta gaza esteril lehor edo baselinadunekin estaltzen dira[2].