Erdialdeko Frantzia
Erdialdeko Frantzia (latinez: Francia media) Mendebaldeko Europako erresuma izan zen, 843-855 bitartean iraun zuena; Ipar itsasotik Italiar penintsularaino hedaturik zegoen.
| Erdialdeko Frantzia Francia media | |||||||||||
|---|---|---|---|---|---|---|---|---|---|---|---|
| 843 – 855 | |||||||||||
| Oinordetzako monarkia | |||||||||||
 Verdungo Hitzarmenaren ondoko Europa, Erdialdeko Frantzia berdez | |||||||||||
| Geografia | |||||||||||
| Kultura | |||||||||||
| Hizkuntza(k) | Latina, germaniar eta erromantze hizkuntzak | ||||||||||
| Erlijioa | Katolizismoa | ||||||||||
| Historia | |||||||||||
| Verdungo Hitzarmena | 843 | ||||||||||
| Prümeko Hitzarmena | 855 | ||||||||||
| |||||||||||
Historia aldatu
Erdialdeko Frantzia Lotario I.a karolingiar enperadoreak, Karlomagnoren bilobak, Verdungo Hitzarmenaren (843) ondoren jaso zituen lurrei eman zitzaien izena da. Haren anaia Karlos Burusoilak eta Luis Germaniarrak jaso zituzten lurraldeen artean zegoen, eta Herbehereetatik Italiar penintsularaino zihoan lur zerrenda luzea zen[1].
Elkarren artean lotzeko zailak ziren lurralde batzuek osatzen zuten, eta Lotario 855ean hil ondoren, haren semeen artean banatua izan zen, Prümeko Hitzarmenaren bitartez.
- Luis II.a Italiakoak (†875) koroa inperiala eta Italia jaso zituen;
- Lotario II.ak (†869), iparraldeko zatia oinordetu zuen, Lotaringia izenekoa, Frisiatik Suitzaraino zihoana;
- Karlos Proventzakoak (†863), Burgundia Beherea jaso zuen[1].
Erreferentziak aldatu
- ↑ a b Carolingian Kings of Middle Franks (Francia Media / Italy). historyfiles.co.uk (Noiz kontsultatua: 2016-05-17).
Kanpo estekak aldatu
Datuak: Q468902
