Delicatula integrella
Delicatula integrella Tricholomataceae familiako onddo espezie bat da.[1] Haragi oso urria eta balio gastronomiko gutxikoa.
| Delicatula integrella | |
|---|---|
 | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Delicatula |
| Espeziea | Delicatula integrella Fayod, 1889 |
Sinonimoak: Mycena integrella, Omphalia integrella.
Deskribapena
aldatuKapela: Txikia bada ere (0,4 eta 1 cm bitarteko diametrokoa) eta hauskorra, morfologia mikologiko ezin hobea du, ganbiletik lau-ganbilera, deprimitua eta unbilikatua erdialdean. Ertza soberakinekin, irregularra, inkurbatua, izurtua, ildaskatua, okre kolorea hartzen du marruskatzean. Azala lehorra, leuna, zetaduna, gardena, elur zuri garbi kolorekoa.
Orriak: Errudimentarioak (ia tolesturak, sinpleak), estuak, zabal, zertxobait dekurrenteak, elkarren artean zainekin eta urkilatuak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Zuzenetik okertura, gainazal pruinaduna eta haritsua, mizelio-hifa finez inguratutako erraboil txiki batean amaitzen da, kolore zuri gardena izaten du.
Haragia: Oso urria eta mehea, zuri zeharrargi kolorekoa. Usain eta zapore nabarmenik gabea.[2]
Etimologia: Delicatula terminoa latinetik dator, eta delikatuaren txikigarria da, hauskorra delako. Integrella epitetoak, osoa, esan nahi du, nahiz eta txikia izan morfologia perfektua duelako.
Jangarritasuna
aldatuInteres gastronomikorik gabea.[3]
Nahasketa arriskua
aldatuDelicatula cuspidata delakoaren antzekoa. Mycena eta Hemimycena generoetako espezie zuriek ez dituzte beren orriak tolestura moduan.[4]
Sasoia eta lekua
aldatuUdaberrian eta uda hasieran. Aurkitzeko zaila, baina ohikoa eta ugaria. Ale askoko taldeetan ateratzen da. Deskonposatzen ari diren lurperatuta edo erdi lurperatuta dauden sustraitxoetan, adaxketan eta zur-hondakinetan. Leku heze eta ilunetan.[5]
Banaketa eremua
aldatuKanada, Ameriketako Estatu Batuak, Mexiko, Kuba, Costa Rica, Puerto Rico, Guadalupe, Dominika, Guyana Frantsesa, Brasil, Argentina, Europa, Errusia, Turkia, Kaukasia, Himalaiako eremua, Txina, Japonia, Australia, Benin, Malaysia, Taiwan.[6]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 186 or. ISBN 84-282-0865-4..
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
- ↑ Delicatula integrella: GBIF—the Global Biodiversity Information Facility.
Kanpo estekak
aldatu
Datuak: Q10477910
Multimedia: Delicatula integrella / Q10477910
