Cortinarius pholideus
Cortinarius pholideus Cortinariaceae familiako onddo espezie bat da.[1]
| Cortinarius pholideus | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius pholideus Fr., 1838 |
Deskribapena aldatu
Kapela: 5 eta 10 cm bitarteko diametrokoa, ez oso haragitsua, kanpai itxurako-zabaldua, batzuetan titi nabarmen samarrarekin, kanela kolorekoa, ezkata iletsu eta hirtsutuak estu dituela estalia, arre-beltzaxkak, hauek ondo bereizten dute, ertz izurtua.
Orriak: Zabalak, nahikoa estu, marjinatuak, hasieran more-purpura kolorekoak, gero okre-kanela kolorekoak.
Hanka: 8 eta 12 cm bitarteko garaierakoa eta 1 eta 1,5 cm bitarteko diametrokoa, zilindrikoa, borra formakoa, arre ilun koloreko ezkata tente beltzaxkaz estalia, goiko aldean eraztun moduko bat osatuz; gainerakoa leuna da lila zurbil koloreko lausotuarekin; barrubetea, gero barnehutsa.
Haragia: Arre kolorekoa, pixka bat zurbila (apur bat horia hankaren goialdean), ur-orbanekin; usaingabea eta zapore gozokoa.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta. Pholideus epitetoa latinetik dator, ezkata, esan nahi duen "pholís" hitzetik. Kapelako apaindurengatik.
Jangarritasuna aldatu
Ez da jangarria.[3]
Nahasketa arriskua aldatu
Cortinarius humicola delakoarekin nahas daiteke, ugaria pagoen azpian, titi akutu batekin, horixka edo okre antzeko koloreko orriekin eta fusiforme edo borra formako oinarekin.
Sasoia eta lekua aldatu
Udazkenaren amaieran. Zohikaztegietan. Urkien eta makalen azpian.
Banaketa eremua aldatu
Kanada, Ameriketako Estatu Batuak, Europa, Errusia, Japonia, Zeelanda Berria.
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 216 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 171 or. ISBN 84-282-0541-X (T. 3). ISBN: 84-282-0538-8 (O.C.)..
Kanpo estekak aldatu
Datuak: Q3915836
Multimedia: Cortinarius pholideus / Q3915836
