Cortinarius olidus
Cortinarius olidus Cortinariaceae familiako onddo espezie bat da.[1] Jangarri kaskarra. Autore batzuentzat ezezaguna. Usain txarra du.
| Cortinarius olidus | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius olidus J.E.Lange, 1940 |
Deskribapena
aldatuKapela: Haragitsua, 4 eta 6 cm bitarteko diametrokoa, lehenengo ganbiletik lau-ganbilera; ertza gaztetan biribildua, gero inkurbatua, soberakinekin, pixka bat uhindua ale zaharretan. Kapelaren azala likatsua, berezko fibrilekin, okre-horixka kolorekoa.
Orriak: Estu, zurixkatik gris- kremara doan kolorekoak, gero arre-herdoil kolorekoak esporengatik.
Hanka: Sendoa, zilindrikoa, oinarrirantz loditua, erraboil marjinatu gabean amaitzen da, fibrila horixkez apaindua, azalean zehar antolatuta dagoen hondo zurixka baten gainean, itxura nabar samarra ematen diona, trinkoagoak erraboilaren aldera, non ezkatatxoak sortzen diren. Gortina iheskorra, zurixka.
Haragia: Lodia, gogorra, zuri-horixka, lur usain handikoa eta iraunkorrekoa.[2]
Etimología: Cortinarius hitza gortinatik dator, gortina eta guzti, errezelaren hondakin bereizgarriak direla eta.
Jangarritasuna
aldatuEzezaguna, autore batzuek jangarri kaskarra dela uste dute.[3]
Nahasketa arriskua
aldatuEspezie honek, okre-buztin koloreak ditu eta usain handia. Cortinarius cephalixus, ilunagoa da eta kapela berdexka, errefauaren usaina (ez lur-lizunduarena)
Sasoia eta lekua
aldatuUdaren amaieran eta udazkenean. Talde handietan. Hostozabaletan: pagoa, gaztainondoa, artelatza, haritza, ametza.
Banaketa eremua
aldatuEuskal Herria, Frantzia, Espainia, Portugal, Austria, Eslovenia, Estonia, Alpeak, Irlanda, Erresuma Batua, Italia, Danimarka, Suedia, Norvegia, Alemania.[4]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Cortinarius olidus: GBIF—the Global Biodiversity Information Facility.
Kanpo estekak
aldatu
Datuak: Q10548115
Multimedia: Cortinarius olidus / Q10548115
