Cortinarius arquatus
Cortinarius arquatus Cortinariaceae familiako onddo espezie bat da.[1]
Cortinarius arquatus | |
---|---|
![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Cortinariaceae |
Generoa | Cortinarius |
Espeziea | Cortinarius arquatus Fr., 1838 |
Sininimoak: Phlegmacium arquatum, Agaricus arquatus, Myxacium arquatum, Gomphos arquatus.
Deskribapena
aldatuKapela: 5 eta 12 cm bitarteko diametrokoa. Hondo hori bizi kolorekoaren gainean arre-arrosa koloreko orbanekin diseinatua, fibrila marroixka barneratuekin, ertz mehearekin, pixka bat barrurantz errekurbatua, gero zuzena.
Orriak: More kolorekoak, gero arrexka-gorriak, baina ertza luzaroan morea, itsatsi biribilduak.
Hanka: 6 eta 8 cm bitarteko garaierakoa eta 1 eta 1,5 cm bitarteko diametrokoa. Zilindrikoa, erraboil marjinatu nabariarekin, more-lila kolore eder batekin, batez ere goialdean, luzaroan irauten duena; behealdean zurbilagoa, okrerako joerarekin.
Haragia: Zurixka, usaingabea eta zapore gozoarekin.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta. Arquatus epitetoa pertsona izenetik dator. Hans Haas alemaniar mikologoaren omenez.
Jangarritasuna
aldatuEzezaguna.
Nahasketa arriskua
aldatuCortinarius pseudoglaucopus delakoaren antza du, oliba antzeko koloreko kapela ilunagoa duena, inoiz ez horia.
Sasoia eta lekua
aldatuUdaren amaieran eta udazkenean. Koniferoen basoetan.
Banaketa eremua
aldatuKanada, Ameriketako Estatu Batuak, Europa.[3]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 155 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ Cortinarius arquatus: GBIF—the Global Biodiversity Information Facility.