Cortinarius aleuriosmus
Cortinarius aleuriosmus Cortinariaceae familiako onddo espezie bat da.[1] Ez da jangarria, susmagarria edo ezezaguna.
| Cortinarius aleuriosmus | |
|---|---|
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius aleuriosmus Maire, 1910 |
Sinonimoa: Cortinarius caroviolaceus.
Deskribapena
aldatuKapela: 8 eta 12 cm bitarteko diametrokoa, hasieran hemisferikoa, gero lau-ganbila, ertz mehea, biribildua. Azal zaila, likatsua eguraldi hezean, zuria, laster okre argi kolorekoa bihurtzen da.
Orriak: Estu, tartekatutako orritxoekin, libreak, hasieran more kolorekoak, gero herdoil kolorekoak.
Orri libreak: Oinera hurbiltzen diren orriak, baina ukitzen ez diotenak.
Hanka: 5 eta 10 cm bitarteko garaierakoa eta 1 eta 2 cm bitarteko lodierakoa, zilindrikoa, erraboil baztertu batean amaitua, irmoa, zuria, ondoren okre antzeko kolorekoa; gortina zuri iheskor batekin.
Haragia: Lodia, trinkoa, gogorra, zuria; irin usaina du eta zapore mikatza.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta
Jangarritasuna
aldatuEz da jangarria.[3]
Nahasketa arriskua
aldatuCortinarius hau, Scauri taldeko garbienetako bat da orri moreekin. Cortinarius rapaceus delakoarekin nahas daiteke, baina honen haragiak ezti usaina du, ez irinarena, orriak krema zurbil kolorekoak edo krema-more zurbil kolorekoak. Cortinarius rickenianus espeziearekin ere bai, honek kapela zuria du, erraboila lila kolorekoa eta haragiak ez du irin usainik.
Sasoia eta lekua
aldatuUdazkenean, koniferoen basoetan.[4]
Banaketa eremua
aldatuKanada, Ameriketako Estatu Batuak, Europa.
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 447 or. ISBN 84-404-0530-8..
- ↑ (Gaztelaniaz) Palazon Lozano Fernando. (2006). Setas para todos. Jose Luis Añanos Echo Editorial Pirineo, 418 or. ISBN 84-87997-86-4..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 210 or. ISBN 84-282-0865-4..
Kanpo estekak
aldatu
Datuak: Q10460030
