Concha

Concha Karrantzako (Bizkaia) auzoa da, udalerriko erdigunean dagoena. Bertan daude kokaturik udalerriko udaletxea, kultur-etxea eta liburutegia, beste zerbitzu batzuen artean.

Concha
Euskal Herria
Kokapena
Herrialdea	Bizkaia
Udalerria	Karrantza
Posta kodea	48891
Geografia
Koordenatuak	43°13′23″N 3°21′40″W
Demografia
Biztanleria	557 (2023)

Geografia

Ambasaguas iparraldean, Ahedo ipar-ekialdean, La Tejera baserrigunea ekialdean, Manzaneda de Sierra auzunea hegoaldean, San Esteban hego-mendebaldean eta Soscaño eta Traspalacio mendebaldean mugakide ditu.

Auzoan bat egiten dute Las Escaleras, Bernales, Cuadro eta Presako erreken urek, Karrantza ibaiarekin biltzen direnak Ambasaguas auzoan.

Demografia

Karrantzako udaletxea bertan egonik, XXI. mendearen lehen hamarkadetan populazio hazkundea izan zuen eta udalerriko gunerik populatuena bihurtu zen (lehenago Ambasaguas zen populatuena).

Conchako biztanleria

Ondarea

"Indianoen" etxe ugari topa daitezke auzoan eta inguruan, XIX. eta XX. mendearen artean eraikitakoak. Ameriketatik itzulitako jendeak eginda, horietako batzuk ikusgarriak dira. Hernaiz familiaren etxea nabarmentzekoa da, besteak beste.

Bestela, Concha eta San Esteban artean Buen Rosarioko Andra Mariaren eliza dago.

Ikus, gainera

• Enkarterri

Kanpo estekak

• Datuak: Q12255922
• Multimedia: Concha (Karrantza Harana/Valle de Carranza) / Q12255922

Euskarazko Wikipedian bada atari bat, gai hau duena: Euskal Wikiatlasa