Wikipedia

Chris Goulding

Christopher James Goulding (Launceston, Tasmania (Australia), 1988ko urriaren 24a)[1] Australiako saskibaloi jokalari profesionala da, National Basketball Leagueko (NBL) Melbourne United taldeko saskibaloi jokalaria. 2006an egin zuen debuta NBLn Brisbane Bullets taldearekin, garapen-jokalari gisa, eta Perth Wildcats eta Gold Coast Blaze taldeetan ere aritu zen Melbournen kokatu aurretik. NBLn, Gouldingek hiru aldiz irabazi du txapelketa, eta bi aldiz All-NBL First Team (NBLko talderik behinena) saridun izan da. 2014an, ligako puntuazio titulua ere irabazi zuen, eta, 2018an, Grand Final MVP (Final handiko jokalaririk behinena) ohoreak lortu zituen. Goulding ohikoa da Australian Boomers taldearekin (Australiako selekzio nagusia), baina, bere aitari esker, britainiar pasaportea ere badu, eta, horri esker, Espainian eta Italian 2014 eta 2016 artean lokal gisa jokatzeko aukera izan zuen[2]Aipuaren errorea: Baliogabeko <ref> etiketa; edukirik gabeko erreferentziek izena izan behar dute.

Chris Goulding

Bizitza
JaiotzaLaunceston (en) Itzuli, 1988ko urriaren 24a (36 urte)
Herrialdea Australia
Hezkuntza
HeziketaBrisbane State High School (en) Itzuli
Hizkuntzakingelesa
Jarduerak
Jardueraksaskibaloi jokalaria
Ibilbidea
Taldeak Urteak Pos Zbk
Melbourne United (en) Itzuli-
Australia men's national basketball team (en) Itzuli-
 
Posizio edo espezialitateaeskolta
Pisua92 kilogramo
Altuera192 zentimetro

Hastapenak

aldatu

Goulding Launcestonen (Tasmania) jaio zen[3]. West Launceston Primary School-en ikasi, eta, bere aita Steve-ri esker futbol australiarrean denbora asko eman zuen; North Melbournen eta Claremont-en profesionalki jokatu zuen[4]. Saskibaloian, Launcestonen zegoela hasi zen jokatzen[4], eta, 8 urte zituela, bere familiarekin Queenslandera aldatu[5][4], eta lehiatzen hasi zen[4]. Brisbanen, Gumdale State School-en, lehen hezkuntzan jarraitu zuen, eta, gero, bigarren hezkuntzako eskolara joan zen Brisbane State High School-era[4]. 2005ean, Brisbane State High-n graduatu zen[6]. Gazte mailetan, Southern Districts Spartans taldean jokatu zuen[7].

Ibilbide profesionala

aldatu

NBL eta Europa

aldatu

Gouldingek Brisbane Bullets taldearekin hasi zuen bere ibilbide profesionala, garapen-jokalari gisa, 2006-07 NBL denboraldian[8]. 2006ko abenduaren 23an egin zuen NBLko debuta, eta denboraldiko agerraldi bakarra izan zuen, Townsville Crocodilesen aurka, 5 minutu eta erdian asistentzia bat emanez[9]. Bulletsek NBL txapelketa irabazi zuen 2007ko martxoan, Gouldingek bere lehen titulua lortuz[10]. 2007-08 NBL denboraldian, Bullets taldean 15 partidatan hartu zuen parte[9], baina, kluba erori ostean, mendebaldera joan zen 2008-09 NBL denboraldirako Perth Wildcats taldean jokatzeko[4].

2009-10 NBL denboraldirako, Goulding Queenslandera itzuli zen, Gold Coast Blaze taldean jokatzeko[11]. Hiru denboraldi eman zituen Blaze taldearekin, 2011-12 denboraldiaren ondoren haiek ere erori aurretik[4].

2012-13 NBL denboraldirako, Goulding Melbourne Tigers taldera batu zen[12]Aipuaren errorea: Baliogabeko <ref> etiketa; edukirik gabeko erreferentziek izena izan behar dute. 2012ko abenduan, NBL All-Star Gameko MVP (Jokalari Baliotsuena) izendatu zuten bere 24 puntuengatik[13][14].

2013ko NBAko Udako Ligan Cleveland Cavaliers-ekin egon ostean[15] Gouldingek Tigersekin jarraitu zuen 2013-14 NBL denboraldian[16] 2014ko martxoaren 9an, Tigersekin 50 puntu lortu zituen, bere ibilbideko behinena, Sydney Kings-en aurka 92-82 irabazita. NBLk 40 minutuko 50 puntuko banakako lehen partida izan zen[17]. Ondoren, 2013-14 denboraldiko NBLko txapeldun izan zen ligako 23,0 puntuaketarik onenarekin[18].

2014ko NBAko Udako Ligan Dallas Mavericks-ekin egon ostean[19], Goulding Espainiara joan zen 2014-15 denboraldian CAI Zaragozan jokatzeko[20]. Batez beste, 8,6 puntu lortu zituen ACB Ligako 33 partidatan, eta 11,5 puntu partidako EuroCupeko 16 partidatan.

Goulding Australiara itzuli zen 2015-16 denboraldirako, eta Melbourne United bezala ezagutzen den Melbourne frankizian sartu zen berriro[21] United-i txapelketa txikiko lehen postu irabazten lagundu zion, denboraldi erregularra lehen postuan amaitu ostean, 18-10 emaitzarekin. Hala ere, finalerdietan, New Zealand Breakers taldeak garaitu zituen[22]. NBLko denboraldia amaitu ostean, Goulding Italiara joan zen Auxilium Torinorekin denboraldia jokatzera[23][24]. LBAko 10 partidatan, batez besteko 4,2 puntu lortu zituen partidako.

Goulding Unitedera itzuli zen 2016-17 NBL denboraldirako[25], baina 28 partida posibleetatik 22 jokatu zituen ezker orkatilako bihurritu batengatik kanpoan gelditu ostean[26][27]. Unitedek finalerdiak galdu zituen 2016-17an; seigarren postuarekin eta 13-15eko emaitzarekin gelditu zen. Denboraldiari jarraituz, ezker orkatilan ebakuntzaren aldeko apustua egin zuen, eta horrek zortzi-hamar astez alboratu zuen kantxetatik[27].

2017-18 NBL denboraldian Gouldingek United sailkapenaren lehen postuetara eraman zuen lehen postuarekin eta 20-8ko errekorrarekin bukatuz. NBLko Grand Final serietara iritsi ziren, eta Adelaide 36ers taldea 3-2 garaitu zuten bosten arteko onenaren seriean. Gouldingek NBLko bere bigarren txapelketa lortu zuen Grand Final MVP irabazi zuen bitartean[28].

Unitedera, 2018-19 denboraldirako itzuli zen berriro[29][30]. Gouldingek United NBLko Grand Final serietara itzultzen lagundu zuen, baina 3-1 galdu zuten Perth Wildcats taldearen aurka.

2019ko abenduan, Gouldingek NBLko bere 300. partida jokatu zuen[31][32][33][34].

2020ko uztailaren 17an, Gouldingek Unitedekin sinatu zuen hiru urterako akordio batean[35]. 2021eko otsailaren gehienean, baztertuta geratu zen aztaleko maila baxuko anduia batengatik[36]. 2021eko ekainean, NBLko bere 350. partida jokatu zuen[37].

Denboralditik kanpo Estatuko Ligako denboraldiak

aldatu

2006 eta 2009 artean, Gouldingek Southern Districts Spartans taldearekin jokatu zuen QBL (Queensland Basketball League) (2006)[38] eta SEABL (South East Australian Basketball League) (2007–09)[39][40]. 2006an, txapelketa irabazi zuen Spartansen taldeko kide izan zen[41] SEABLn, hiru denboraldiz Spartans taldeko kide gisa, Gouldingek 2008an eta 2009an bi denboraldi jarraian East Youth Player of the Year, (Urteko ekialdeko jakalari gaztea) saria irabazi zuen, eta, bere azken urtean, All-Star Five (Bost izar) saria ere lortu zuen[42]. 2008an, batez beste, partidako 24,5 puntu lortu zituen lehiaketan bigarren postuan amaitzeko, eta denboraldiko altuena lortu zuen denboraldian zehar, 43 puntu. 2009an, batez beste, 20,8 puntu lortu zituen, eta bosgarren postua lortu zuen: bigarrena jaurtiketa libreen ehunekoan (%83), bederatzigarrena hiru puntuko ehunekoan (%39) eta zazpigarrena asistentzietan (hiru)[39]. 2010 eta 2012 artean, hiru denboraldi jokatu zituen Northside Wizards taldean QBLn, eta, 2010ean, All-League Team sariak lortu zituen[43]. 2013an, hiru partida jokatu zituen QBLko Gladstone Port City Power taldearekin[44].

Selekzioaren ibilbidea

aldatu

Gaztetan, Gouldingek Australia ordezkatu zuen 18, 19 eta 20 urtez azpiko taldeetan[45] 2007ko 19 urtez azpiko FIBAren Serbiako Munduko Txapelketan jokatuz ere[46]. 2014an, Australiako Boomers taldearekin jokatu zuen Espainiako FIBAren Munduko Kopan[46]. 2015eko FIBAren Ozeaniako Txapelketan eta 2016ko Rioko Olinpiar Jokoetan ere, Boomers taldearekin jokatu zuen[46]. 2018an, Boomersekin urrezko domina irabazi zuen Commonwealtheko Jokoetan, eta, 2019an, Txinako FIBAren Munduko Kopan parte hartu zuen.

2021eko otsailean, Goulding Boomers talde olinpiar talderako aukeratu zuten[47], eta Australiari brontzezko domina irabazten lagundu zion[48].

Olinpiar Jokoak

aldatu

2020ko Udako Olinpiar Jokoetan, Tokio 2020an (Tokio), brontzezko domina irabazi zuen Australiako taldearekin AEBko taldearekin (urrezkoa) eta Frantziakoarekin (zilarrezkoa) galduz. Hauek osatzen zuten taldea: Patty Mills, Matthew Dellavedova, Nathan Sobey, Dante Exum, Chris Goulding, Josh Green, Matisse Thybulle, Joe Ingles, Aron Baynes, Duop Reath, Nick Kay eta Jock Landale-k[49][50].

Udako Olinpiar Jokoetako emaitzak

aldatu
Udako Olinpiar Jokoak
Urtea Lekua Domina Proba
2020 Tokio
  Japonia 		  Saskibaloia
gizonezkoa[51].

Pertsonalak

aldatu

Goulding Steve eta Christineren semea daAipuaren errorea: Baliogabeko <ref> etiketa; edukirik gabeko erreferentziek izena izan behar dute. Molly emaztearekin ezkonduta dago[31]Aipuaren errorea: Baliogabeko <ref> etiketa; edukirik gabeko erreferentziek izena izan behar dute Bere aita North Launceston Football Club- en jokatu, eta entrenatu zuen, eta, 2008an, AFL Tasmania Hall of Fame-n sartu zuten[5].

Bere aita ingelesa denez, Gouldingek pasaporte britainiarra dauka[52]. [53].

Erreferentziak

aldatu
  1. ↑ Christopher James GOULDING. .
  2. ↑ Smart, Nick. Tigers keen to keep their claws on Goulding but British passport is fueling overseas dreams. .
  3. ↑ Smith, Adam. Tassie lad Chris Goulding on verge of reaching NBA. .
  4. ↑ a b c d e f g Shaw, Rob. Australian Boomer Chris Goulding reflects on his basketball beginnings. .
  5. ↑ a b Smith, Adam. Tassie lad Chris Goulding on verge of reaching NBA. .
  6. ↑ School Olympians. .
  7. ↑ Heslehurst, Brayden. Melbourne Tigers guard Chris Goulding realising full potential this year after NBA experience. .
  8. ↑ Chris Goulding. .
  9. ↑ a b Player statistics for Chris Goulding. .
  10. ↑ Gardiner, Gilbert. NBL grand final: Melbourne United beat Adelaide 36ers 100-82 in Game 5 to claim title. .
  11. ↑ Smart, Nick. Goulding bounces the Blaze's way in 2009. .
  12. ↑ Larkin, Cam. Melbourne Tigers to announce key signings. .
  13. ↑ North vs South. .
  14. ↑ South takes out NBL All-Star game. .
  15. ↑ Chris Goulding to try out with the NBA's Cleveland Cavaliers. .
  16. ↑ MELBOURNE TIGERS ANNOUNCE KEY SIGNINGS. .
  17. ↑ R21 Report: Goulding magic sinks Kings. .
  18. ↑ Goulding claims scoring title. .
  19. ↑ Smart, Nick. Chris Goulding on trial with the Dallas Mavericks in the NBA Summer League this month. .
  20. ↑ CAI Zaragoza lands Chris Goulding. .
  21. ↑ Goulding returns to Melbourne. .
  22. ↑ SF2 Report: Breakers sweep United to enter Grand Final. .
  23. ↑ TORINO RESCINDE CON DAWKINS. IN ARRIVO CHRIS GOULDING. .
  24. ↑ Chris Goulding heads to Europe for NBL post season. .
  25. ↑ Chris Goulding reunites. .
  26. ↑ United dig deep to cover injured Goulding. .
  27. ↑ a b Gardiner, Gilbert. Melbourne United's Chris Goulding to have surgery on troublesome left ankle. .
  28. ↑ Gardiner, Gilbert. NBL grand final MVP Chris Goulding praises Tigers legend Chris Anstey for inspiring him to dominant performance. .
  29. ↑ Melbourne Re-Sign Finals MVP Chris Goulding. .
  30. ↑ Ward, Roy. Melbourne United re-sign grand final MVP Chris Goulding. .
  31. ↑ a b Ward, Roy. How Chris Goulding's career could have ended at the start. .
  32. ↑ Ward, Roy. Chris Goulding joins elite company as 300-game milestone arrives. .
  33. ↑ Gardiner, Gilbert. Melbourne United captain Chris Goulding opens up before 300th NBL game. .
  34. ↑ Long, Griffin Shine but United Win in CG43's 300th. .
  35. ↑ Chris Goulding Re-Signs With Melbourne United for Three Years. .
  36. ↑ Injury updates. .
  37. ↑ BIG MILESTONE. BIG GAME.. .
  38. ↑ Spartans v Bundaberg MEN. .
  39. ↑ a b BOOMERS AND OPALS IN THEIR SEABL DAYS. .
  40. ↑ Player statistics for Chris Goulding – SEABL. .
  41. ↑ Full State Final MEN. .
  42. ↑ WERNER/DENSON LEAGUE ALL STAR FIVE SELECTION. .
  43. ↑ ALL LEAGUE TEAMS. .
  44. ↑ Kossatch, Nick. EXCLUSIVE: Beyond the arc with CG43 - Chris Goulding. .
  45. ↑ Round 14 Player of the Week - QBL Men - Chris Goulding. .[Betiko hautsitako esteka]
  46. ↑ a b c Chris Goulding. .
  47. ↑ AUSTRALIAN MEN'S BASKETBALL OLYMPIC SQUAD REVEALED. .
  48. ↑ Basketball GOULDING Chris - Tokyo 2020 Olympics. .[Betiko hautsitako esteka]
  49. ↑ «Chris Goulding» olympedia.org 2021-11-24an begiratua(Ingelesez)
  50. ↑ «Chris Goulding» Olympics.com 2021-11-24an begiratua (Gaztelaniaz)
  51. ↑ "Saskibaloia, gizonezkoa, emaitzak 2020" olympedia.org (Ingelesez)
  52. ↑ Smart, Nick. Tigers keen to keep their claws on Goulding but British passport is fueling overseas dreams. .
  53. ↑ Ward, Roy. Melbourne United star Chris Goulding close to joining Spanish club CAI Zaragoza. .

Kanpo estekak

aldatu
"https://eu.wikipedia.org/w/index.php?title=Chris_Goulding&oldid=9908594"(e)tik eskuratuta