Chigi jauregia

Chigi jauregia (italieraz: Palazzo Chigi) Italiako Erroma hiriburuko Colonna enparantzan kokatua dagoen jauregi bat da, Colonna rionean. Gaur egun Italiako Errepublikako Lehen ministroaren egoitza ofiziala da.

Chigi jauregia
Irudi gehiago
Kokapena
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Hiria	Erroma
Koordenatuak	41°54′04″N 12°28′47″E
Historia eta erabilera
Irekiera	1580
Inaugurazioa	1580
Jabea	Italia
Komisarioa	Aldobrandini family (en)
Izenaren jatorria	House of Chigi (en)
Erabilera	egoitza ofiziala
Arkitektura
Arkitektoa	Giacomo della Porta
Estiloa	pizkundea
Ondarea
Webgune ofiziala

Historia

K.o. 193 urtean Marko Aurelioren zutabea ezarri zen. XVI mendean zutabearen inguruan sortu zen enparantzaren inguruan etxeak eraikitzen hasi ziren. Chigi jauregiaren lanak 1562 urtean hasi zituen Giacomo della Porta arkitektoak eta 1580an amaitu zituen Carlo Maderno arkitektoak. Aldobrandini familia izan zen aurreneko jabea baina 1659an Chigi familiak erosi zuen eta honen izena hartu zuen jauregiak. XVII mendean bertan liburutegi handi bat eraiki zen barruan Flavio Chigi kardinalaren liburu bilduma gordetzeko. Chigiana izena eman zitzaion eta milaka eskuizkribu baliotsu zituen, hauetariko asko Alexandro VII.a Aita Santuarenak, kardinalaren osaba zenarenak.

1878an Austria-Hungariako Inperioak Italian zuen enbaxadorearen bizilekua bihurtu zen baina 1916an, Lehen Mundu Gerra garaian, Italiako estatuak eskuratu zuen. Hasieran Kolonietako arazoen ministerioa ezarri zen bertan eta 1961etik aurrera Italiako Lehen Ministroaren egoitza da.

Deskribapena

Bost solairutako eraikina da. Eskailera zabal batek egongela ugaritara eramaten zaitu. Giacomo della Portak diseinaturiko barne patio bat ere badu, iturri eta guzti.

Kanpo estekak

• (Italieraz) Chigi jauregiaren historia

• Datuak: Q2047548
• Multimedia: Palazzo Chigi (Rome) / Q2047548