Buruko beheko muskulu laprana

Buruko beheko muskulu laprana
	Irudi gehiago
Xehetasunak
Arteria	Arteria bertebrala
Zaina	Zain bertebrala
Nerbioa	C1 nerbioaren adar dortsala (nerbio subokzipitala)
Identifikadoreak
Latinez	musculus obliquus capitis inferior
TA	A04.2.02.007
FMA	32528
	Terminologia anatomikoa

Buruko beheko muskulu laprana, garondoko muskulu lapran laburren artean luzeena da. Garondoko muskulu lapranen artean aurkitzen dira buruko beheko muskulu laprana eta buruko goiko muskulu laprana.

Jatorria eta ezarpena

Muskulu honen jatorria axisaren arantza apofisia da eta bere ezarpena atlasaren zehar apofisia.

Inerbazioa

Nerbio subokzipitala arduratzen da muskulu honen inerbazioaz, hau da, C1 nerbioaren adar dortsala. Nerbio hau guztiz motorra da. Gainera, beheko muskulu lapranaren azpitik C2 nerbio aterako da, nerbio okzipital nagusia, sentikorra dena.

Odoleztapena

Muskulu honen odoleztapenaz orno arteko zain eta arteriak arduratzen dira.

Funtzioa

Funtzioari dagokionez, bi ekintza betetzen ditu. Alde batetik, uzkurketa unilaterala denean buruaren errotazio ipsilaterala emango da, hau da alde bereko errotazioa. Bestalde, uzkurketa bilaterala denean, buruaren hedapena gauzatuko da.