Bullitt
Bullitt 1968ko Peter Yates estatubatuar zinema zuzendariaren film bat da, Robert L. Fish idazlearen Mute Witness (Lekuko mutua) eleberrian oinarritua. Steve McQueen, Robert Vaughn, Jacqueline Bisset, Don Gordon eta Simon Oakland aktoreek antzeztu zuten.
| Bullitt | |
|---|---|
| Jatorria | |
| Argitaratze-data | 1968 |
| Izenburua | Bullitt |
| Mugimendua | New Hollywooda |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | krimenezko filma, crime thriller film (en)  , ekintza-filma eta eleberri batean oinarritutako filma |
| Iraupena | 113 minutu |
| Kolorea | koloretakoa |
| Deskribapena | |
| Honen parte da | National Film Registry (en) |
| Grabazio lekua(k) | San Frantzisko |
| Zuzendaritza eta gidoia | |
| Zuzendaria(k) | Peter Yates |
| Gidoigilea(k) | Alan Trustman (en) Harry Kleiner |
| Antzezlea(k) | |
Steve McQueen (Frank Bullitt (en) )Robert Vaughn Jacqueline Bisset Don Gordon Robert Duvall Ed Peck Felice Orlandi Norman Fell Simon Oakland (en) Vic Tayback Georg Stanford Brown | |
| Ekoizpena | |
| Ekoizlea | Philip D'Antoni (en) |
| Konpainia ekoizlea | Solar Productions (en) |
| Edizioa | Frank P. Keller (en) |
| Ekoizpen-diseinatzailea | Albert Brenner |
| Bestelako lanak | |
| Musikagilea | Lalo Schifrin |
| Argazki-zuzendaria | William A. Fraker |
| Fikzioa | |
| Kontakizunaren tokia | San Frantzisko |
| Historia | |
| Jasotako sariak | |
| Nominazioak | |
           | |
Muntatze onenaren Oscar Saria irabazi zuen; horrez gain, Ameriketako Estatu Batuetako Kongresuaren Liburutegian gordeta dago.
Eszenarik ospetsuena San Frantzisko (Kalifornia) hirian barna Bullit protagonistak Ford Mustang GT-390 berde ilun batean bi hiltzaileen Dodge Charger R/T beltzari jarraitzean egiten duten lasterketa da.
Argumentua
aldatuSan Frantzisko hiriko Frank Bullitt (Steve McQueen) polizia tenienteari erraza dirudien kasu batez ardura dadin agindu diote: Walter Chalmers (Robert Vaughn) senatari harroputzak Senatuko Batzordearen babespean daukan eta mafiaren aurkako lekukotasuna ematera doan Eddy (Justin Tarr) informatzailea zaintzea. Lekukoa babesteko, Bullitek bere konfiantzazko gizonen laguntza du: Don Delgetti (Don Gordon) sarjentu beteranoa eta Carl Stanton (Carl Reindel) inspektore gaztea. Horrela, lekukoa ezkutuko apartamentu batean gorde eta hiruek txandaka zaindu behar dute.
Baina gaua amaitu aurretik, bi ezezagunek apartamentura sartu, informatzailea hil eta Stanton inspektorea larriki zauritu dute. Hortaz, Bullittek bi erasotzaileak nola bertaratu diren jakin eta bere ardurapeko kasu horren ezkutuko arrazoi politikoak argitzen saiatu da. Bullittek bere bizia eta Cathy (Jacqueline Bisset) neskalagunarena arriskuan jarriz, bere integritatea eta profesionaltasuna kasua konpontzean erakutsi behar ditu.
.jpg)
Aktoreak
aldatu- Steve McQueen: Frank Bullitt
- Robert Vaughn: Walter Chalmers
- Jacqueline Bisset: Cathy
- Don Gordon: Delgetti
- Simon Oakland: Sam Bennett kapitaina
- Norman Fell: Baker kapitaina
- Robert Duvall: Weissberg (taxilaria)
- Georg Stanford Brown: Willard medikua
- Justin Tarr: Eddy
- Carl Reindel: Carl Stanton
- Felice Orlandi: Albert Renick
- Vic Tayback: Pete Ross
- Robert Lipton: 1. laguntzailea
- Ed Peck: Westcott
- Pat Renella: Johnny Ross
- Paul Genge: Mike
- John Aprea: Hiltzailea
- Al Checco: Desk Clerk
- Bill Hickman: Phil
Kanpo estekak
aldatu- Bullit filmaren IMDBko fitxa irakurgai (Ingelesez)
Datuak: Q261209
Multimedia: Bullitt (film) / Q261209
