Bizkaia Talent
Bizkaia Talent erakunde publikoa da, Bizkaiko Foru Aldundiko Ekonomia Sustatzeko Sailari atxikia, talentua erakartzeko agentzia gisa eratua, berrikuntza- eta ezagutza-prozesuan kualifikazio handia eta prestakuntza bikaina duten pertsonak erakartzeko, lotzeko eta atxikitzeko helburuarekin.
Bizkaia Talent | |
---|---|
Datuak | |
Izen ofiziala | Asociación de apoyo a la movilidad de personas cualificadas en innovación y conocimiento, Bizkaia Talent eta Eraberrikuntzan eta ezagutzan adituak diren pertsonen mugikortasuna sustatzeko elkartea, Bizkaia Talent |
Izen laburra | Bizkaia Talent |
Mota | erakunde autonomoa |
Jarduera sektorea | talent management (en) |
Herrialdea | Espainia |
Agintea | |
Zuzendaria | Ivan Jiménez eta Imanol Pradales |
Egoitza nagusi |
|
Osatuta | |
Jabea | Bizkaiko Foru Aldundia |
Ekonomia | |
Aurrekontua | 1.400.000 € (2020) |
Historia | |
Sorrera | 2005 |
Ordezkatzen du | Bizkaia:xede (en) |
webgune ofiziala |
Nazioarteko komunikabideek Bizkaia Talent-en ereduatzat hartu dute. 2021ean, Bizkaia Talent The Silicon Review-ek egindako Smartest Companies of the Year 2021 (2021eko 50 enpresa adimentsuenak) izeneko zerrendan sartu zen.
Historia
aldatu2000ko Lisboako Goi Bileran Europa munduko eremu geografiko lehiakorrena bihurtzeko helburua ezarri zen, ezagutzan eta berrikuntzan oinarritutako lehiakortasuna eta gizarte-kohesioaren eta elkartasunaren maila handiagoetan gauzatu beharreko lehiakortasuna. Bizkaiko probintzia Lisboako estrategian zehaztutako helburuekin bat egiten duten eskualdeen artean kokatzeko asmoz, Bizkaia: Xede izeneko lehen proiektua gauzatu zen. Proiektu horren helburua berrikuntza eta ezagutza aurreratuko prozesuan giza kapitala erakartzeko, atxikitzeko eta lotzeko beharrezko baldintzak sortzea zen.
Ondoren, Bizkaiko Foru Aldundiko Ekonomia Sustatzeko Sailak bultzatuta, Bizkaia Talent proiektua sortu zen 2005. urtean, irabazi asmorik gabeko ekimen gisa. Helburu argia du: berrikuntza eta ezagutza prozesuan giza kapitala erakartzeko, lotzeko eta atxikitzeko beharrezkoak diren baldintzak Bizkaiko Lurralde Historikoan eta, oro har, Euskal Autonomia Erkidegoan ezar daitezen bultzatzea eta laguntzea.[1][2]
Talentia Zerbitzua
aldatuTalentia Zerbitzua unibertsitateko ikasleei zuzenduta dago eta honako programak ditu: Talentia Programa, Profesionaltasunerako Gaitasunak Bizkaian (Talentia Skills), Talentia Challenge eta Be Basque Ambassadors. Zerbitzu honen osagai nagusia industriaren eta mundu akademikoaren arteko lankidetza da, euskal unibertsitate-talentuaren garapenaren aldeko apustua eginez.
Talentia Programa
aldatuTalentia Programa Bizkaia Talent-ek Deustuko Unibertsitatearekin, Euskal Herriko Unibertsitatearekin eta Mondragon Unibertsitatearekin lankidetzan sustatutako programa bat da.
Programaren helburua gaitasun handiena duten hiru euskal unibertsitateetako Bizkaian bizi diren ikasleen garapen profesionalerako orientatzea eta euren inguruneko zientzia, teknologia eta enpresen errealitatearekiko ikasleen loturan laguntzea da programaren helburua.
Programa honetan parte hartzen duten hiru unibertsitate gradu edo karrerako azken ikasturtean dauden eta karrera horretako espediente akademikorik onena duten ikasleek parte hartzen dute, BFA-k gonbidatuta.[3][4]
Talentia Programak 6 hilabeteko luzaera du (abendutik maiatzera edo ekainera arte, orokorrean). Ekainean egiten da titulazio-ekitaldia eta diploma banaketa.
2009 urtean egin zen lehen aldiz.
Talentia Skills (Konpetentziak)
aldatu2014 urtean egin zen lehen aldiz.
Talentia Challenge
aldatu2016 urtean egin zen lehen aldiz.
Talentia Sarea
aldatuTalentia Programako parte hartzaileak Talentia Sarearen parte bilakatzen dira, aurreko edizioetako beste parte-hartzaile guztiekin batera.
Erreferentziak
aldatu- ↑ (Gaztelaniaz) Bizkaia Talent, un caso de éxito para atraer talento investigador a Bizkaia – EEB-OVE : BLOG. (Noiz kontsultatua: 2022-11-20).
- ↑ (Ingelesez) «A non-profit organization with a clear mission: to foster and facilitate the implementation of the necessary conditions for attracting, connecting and retaining in The Basque Country: Bizkaia Talent» The Silicon Review (Noiz kontsultatua: 2022-11-20).
- ↑ (Gaztelaniaz) «Servicio Talentia» Bizkaia Talent (Noiz kontsultatua: 2018-12-24).
- ↑ (Gaztelaniaz) «Programa TALENTIA» enplegua (Noiz kontsultatua: 2018-12-24).