Biotopoa (grezieratik βίος - bios: bizia eta τόπoς - topos: tokia) ingurumen-baldintza uniformeak dituen eremua da, biozenosi bat duena [1]. Espezie biologiko desberdinek bizitzeko duten toki fisikoa da biotopoa.

Alemaniako aintzira batek osatzen du argazkiko biotopoa, berezko flora eta fauna duena

Biotopoak eta habitatek antzeko esanahia dute, baina ez dira berdinak: biotopo batean biozenosi bat bizi den bitartean, habitat batean espezie bat bizi da.

Biotopo baten neurria oso aldakorra izan daiteke. Esate baterako, ozeano bat, laku bat edo ur-putzu bat, hirurak, biotopoak izan daitezke. Ingurune baldintza uniformeak eta biozenosi bat edukitzea ezinbestekoak dira, baina, biotopo bat izan ahal izateko (bizidunik gabeko ur-putzua, horrenbestez, ez litzateke biotopoa izango).

Era berean, biotopo handiak biotopo txikiagoetan zatitu daitezke: adibidez, ozeano batean biotopo bat hondoko eremua edo eremu abisala izango da, eta beste bat itsas azaletik gertuen dagoen eremua.

Biotopo baten eragile fisiko-kimiko nagusiak honako hauek dira: tenperatura, argia, lur zoruaren ezaugarriak, presioa eta oxigenoaren kontzentrazioa (uretako biotopoetan), etab.

Biotopoak, bertan bizi den biozenosiarekin batera, maila altuagoko beste kontzeptu ekologikoa osatzen du: ekosistema [2].

Ekosistema = Biotopo + Biozenosi

Esan liteke biotopoa ekosistema baten ingurune fisikoa dela

Ernst Haeckel (1839-1919) zoologo alemaniarra lehena izan zen biotopoaren kontzeptua erabiltzen.

EzaugarriakAldatu

Biotopo baten ezaugarri nagusiak honako hauek dira:

  • Klimatologikoak: ingurumen-ezaugarriak dira
  • Geologikoak: lurzoruaren ezaugarriak dira
  • Hidrografikoak: uraren ezaugarriak dira, bere banaketa eta lekualdaketa
  • Topografikoak: biotopoaren altitudeari dagozkionak

EAEko biotopo babestuakAldatu

 
Leitzaran

Euskal Autonomia Erkidegoan zazpi biotopo babestuta daude gaur egun (2020an):

ArabanAldatu

BizkaianAldatu

Hiru daude [4]:

GipuzkoanAldatu

Beste hiru daude [5]:

ErreferentziakAldatu

  1. Dualde, V.: Biología COU, Ed. ECIR (1987) 566-567 orr. ISBN: 84-7065-128-5
  2. Berasategi, J., Muñoa, R., Murua, J., Terés, J.: Natur Zientziak DBH-2, Elkar Ikastolen Elkartea (2004), 17 orr. ISBN: 84-9783-132-4
  3. Nekatur Guardiako biotopo babestua
  4. Bizkaiko Foru Aldundia Biotopo babestuak
  5. Gipuzkoako Foru Aldundia mendiak eta babestutako eremu naturalak

Kanpo estekakAldatu