Thomas Bayes
Thomas Bayes (Londres, 1702 - Tunbridge Wells, Kent, Ingalaterra, 1761eko apirilaren 7a) britainiar matematikaria izan zen. Ikasketak etxean egin zituen, irakasle pribatuekin; haietako bat Abraham de Moivre matematikaria izan zela esaten da. Bere aita artzain ez-konformista (anglikanoa ez zen eliza protestante batekoa) zen, eta 1720ko hamarkadaren hasieran bera ere arima artzain-lanetan hasi zen bere herriko kapera presbiterianoan. 1752an utzi zuen kargua. Bere probabilitatearen teoria Londresko Errege Elkarteko Philosophical Transactions aldizkarian argitaratu zuen 1764an, Essay towards solving a problem in the doctrine of chances (Zoriaren dotrinako problema baten ebazpenari buruz) artikuluan. 1742an Errege Elkarteko kide hautatu zuten, nahiz eta ordu arte matematikari buruzko lanik ez zuen argitaratu; izan ere, bizitzan zehar ez zuen berak izenpetutako lanik argitaratu. 1781ean Laplacek Bayesen ondorioak onartu zituen; geroago, Condorcetek aipatu zituen, baina ahaztuta geratu ziren harik eta Boolek Laws of Thought (Pentsamenduaren legeak) liburuan azaldu zituen arte. Ordutik aurrera, Bayesen teknikek eztabaida ugari sortu zuten matematikaren munduan.
| Thomas Bayes | |
|---|---|
 | |
| Bizitza | |
| Jaiotza | Londres, 1702 |
| Herrialdea |  Britainia Handiko Erresuma |
| Heriotza | Royal Tunbridge Wells (en)  , 1761eko apirilaren 17a (58/59 urte) |
| Hobiratze lekua | Bunhill Fields Burial Ground (en) |
| Hezkuntza | |
| Heziketa | Edinburgheko Unibertsitatea |
| Hizkuntzak | ingelesa |
| Jarduerak | |
| Jarduerak | matematikaria, estatistikaria, klerikoa eta filosofoa |
| Jasotako sariak | ikusi
|
| Kidetza | Royal Society |
| Sinesmenak eta ideologia | |
| Erlijioa | Presbiterianismoa |
 | |
Ikus, gainera aldatu
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q208452
Multimedia: Thomas Bayes / Q208452
