Pilar Lorengar
Pilar Lorengar (Jaiotza-izena: Pilar Lorenza García ; Zaragoza, 1928ko urtarrilaren 16a - Berlin, 1996ko ekainaren 2a) espainiar opera-abeslaria izan zen.
| Pilar Lorengar | |
|---|---|
 | |
| Bizitza | |
| Jaiotzako izen-deiturak | Pilar Lorenza García Seta |
| Jaiotza | Zaragoza, 1928ko urtarrilaren 16a |
| Herrialdea |  Espainia |
| Lehen hizkuntza | gaztelania |
| Heriotza | Berlin, 1996ko ekainaren 2a (68 urte) |
| Heriotza modua | berezko heriotza: birikako minbizia |
| Hezkuntza | |
| Heziketa | Madrilgo Goi Mailako Errege-Musika Kontserbatorioa |
| Hizkuntzak | gaztelania |
| Jarduerak | |
| Jarduerak | opera abeslaria |
| Jasotako sariak | ikusi
|
| Izengoitia(k) | Pilar Lorengar |
| Genero artistikoa | musika klasikoa |
| Ahots mota | sopranoa |
| Musika instrumentua | ahotsa |
| Diskoetxea | Polydor Records |
     | |
Bartzelonako Musika Kontserbatorioan kantu-ikasketak egin zituen. Madrilen Angeles Ottein ezagutu zuen, eta harekin hasi zen lanean. 1949an hasi zen antzokietan agertzen, zarzuelako kantari gisa. 1951n Bartzelonako kantu-lehiaketa bat irabazi ondoren, soprano gisa hasi zen kantatzen, eta bere ahotsa mundu osoan eman zen ezagutzera. Paris, Londres, New York, San Francisco, Chicago, Viena, Munich, Berlin eta beste leku askotan kantatu zuen. 1959an Berlingo Deutsche Operen kantatu zuen lehen aldiz; han bizi izan zen hurrengo urteetan, eta alemaniar herritartasuna hartu zuen. Espainian ez zuen abestu 1987 arte. Mozarten operak interpretatu zituen gehienbat, baina baita Verdi, Txaikovski, Weber, Wagner, Beethoven, Granados eta Fallarenak ere. 1990ean Arteetako Asturias Printzea saria eman zioten. Urte horretan bertan utzi zion antzokietan agertzeari, eta 1991n Lieder kantak jendaurrean abesteari. Operan interpretatu zituen rol aipagarrienak hauexek dira: Desdemona (Otello), Alice Ford (Falstaff), Violeta (La Traviata), Pucciniren Butterfly, Tosca eta Mimi heroiak, eta Mozarten hainbat pertsonaia nagusi, hala nola Kondesa eta Kerubin (Figaroren ezteiak operan), Pamina (Txirula Miragarria operan), Ilia (Idomeneon) eta Dorabella (Cosí fan tutten).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q286408
Multimedia: Pilar Lorengar / Q286408
