2004ko martxoaren 11ko atentatuak: berrikuspenen arteko aldeak

'''2004ko martxoaren 11ko atentatuak''' —[[euskara]]z '''M-11''' izenaz ere ezagunak (''11-M'' [[gaztelania]]z)— [[Madril]]go [[Renfe Aldiriak|aldirikoen tren sareko]] 4 [[tren]]etan komando islamista batek egindako eraso terroristak izan ziren, Espainia eta [[Europar Batasuna|Europako]] historia osoko handienak. Goizeko zortzietan ia aldi bereko 10 [[lehergai]]luk eztanda egin zuten lau trenetan. 192 lagun hil eta 2.000 inguru zauriturik suertatu ziren.<ref>{{Erreferentzia|izenburua=Lore-koroa batekin omendu dituzte Madrilen M11ko biktimak|hizkuntza=eu|url=https://www.eitb.eus/eu/albisteak/politika/bideoak/osoa/6258076/bideoa-m11ko-biktimei-omenaldia-madrilen-2019ko-martxoaren-11an/|aldizkaria=www.eitb.eus|sartze-data=2019-03-12}}</ref><ref>{{Erreferentzia|abizena=Berria.eus|izenburua=Kronologia. Hamar urteko ihesaldia|hizkuntza=en|url=https://www.berria.eus/albisteak/50232/bkronologiab_hamar_urteko_ihesaldia.htm|aldizkaria=Berria|sartze-data=2019-03-12}}</ref> Beranduago, poliziak lehertu ez ziren beste bi bonba kontrolpean lehertu zituen, eta hirugarren bat indargabetu zuen. Azken horri esker, errudunen lehen zantzuak aurkitu ziren. Aste batzuen ostean, poliziak [[Leganés]]en aurkitu zuen komando islamista. Ezkutatzen zituen etxebizitza eztandarazita, terrorista denak eta [[Espainiako Polizia Nazionala|GEO polizia]] bat hil ziren.<ref>[http://www.findarticles.com/p/articles/mi_qn4158/is_20040316/ai_n12773616 Madrid: The Aftermath: Spain admits bombs were the work of Islamists | Independent, The (London) | Find Articles at BNET.com<!-- Bot generated title -->]</ref>

 

 

== Atentatuen deskribapena ==

Atentatua lau [[tren]] desberdinetan gertatu zen, goizeko ordu jendetsuenean (07:36-07:40-etan). Lau tren hauetan lehergailu kopuru handiko hamar motxila eta poltsek eztanda egin zuten. Eztandako arrastoak analizatuta, zientzialariek [[dinamita]] erako lehergailuak zirela jakin zuten, eta eztanda egin ez zuen eta Renault Kangoo autoko arrastoak analizatuta, lehergailua, [[Goma-2 ECO]] zela jakin zuten.

Eztandak [[Atochako geltokia]]n, Pozo del Tio Raimundo geltokian, Santa Eugenian, eta Tellez kalearen parean, Atocharantzko norabidean, gertatu ziren. Atochan hiru eztanda izan ziren, Raimundon bi, Santa Eugenian bakarra eta Tellez kalearen pareko trenbidean lau. Raimundo eztandarazi ez zuen beste lehergailu bat aurkitu zuten, 500 [[gramo]] Goma-2 ECOrekin, telefono mugikor bidez lehertaraziko zuena.