Bekatxo
Bekatxoa, begitxindorra edo beltxorra betazalen ertz librean agertzen den hantura akutua da, zorne-jarioarekin. Kanpokoa izan daiteke (Zeisen guruinak erasaten direnean) edo barnekoa (Meibomiusen guruina denean erasandakoa).
| Bekatxoa | |
|---|---|
 | |
| Deskribapena | |
| Mota | blefaritisa, eyelid disease (en)  eritasuna |
| Espezialitatea | oftalmologia |
| Arrazoia(k) | Staphylococcus aureus |
| Identifikatzaileak | |
| GNS-10-MK | H00 |
| GNS-9-MK | 372.0 |
| GNS-10 | H00 |
| GNS-9 | 372.0 |
| DiseasesDB | 12583 |
| MedlinePlus | 001009 |
| eMedicine | emerg/755 |
| MeSH | D006726D006726 |
| Disease Ontology ID | DOID:9909 |
Zornea eta ura dute, eta lehertzen badira bakterioak hedatu ahal dira. Staphylococcus aureus bakterioak eragin ohi ditu[1].
Izenak aldatu
Euskaraz izen ugari hartzen ditu: betarro, betatxo, bet(t)or, betxindor, betxor, galkizkin, izor, memor, mimor, min-txingor, mitxindor, mitxingor, pettaro, petxor, pinttor, pintzindor, pittor, txeldor, txindor, txintxur, txotor, txuntxur, zeldor[2].
Sintomak aldatu
Bekatxoa agertzen denean, puntu txikia eta horixka da. Zornez betetzen den heinean, hantura handituz doa.
Hauek izan daitezke sintoma nagusiak:
- Koxkorra goiko edo beheko betazalean.
- Hantura lokala betazalean
- Min lokala betazalean
- Gorritasuna
- Biguntasuna
- Zarakarra betazal ertzean
- Erremina begian
- Hazkura begian
- Ikusmen lausoa
- Muki jarioa begian
- Argi minbera
- Malko ugari
- Min arina kliskatzean[3]
- Begian zakarra izatearen sentsazioa
Tratamendua aldatu
Betazalaren higienea (irakindako urez), batzuetan antibio-kortikoterapiaz lagundua 10 egunez. Ez bada sendatzen, bekatxoa kirurgiaz ebaki behar izaten da.
