Balkanetako Kopa

Balkanetako Kopa Balkanen inguruan kokaturik dauden estatuen selekzioen arteko txapelketa bat izan zen, 1929 eta 1980 urteen artean jokatu zena. Errumania izan zen garaipen gehien lortu zituen selekzioa.

HistoriaAldatu

Lehenengo edizioan Bost talde ziren parte hartzekoak baina azken unean Albaniak atzera egin eta Errumania, Grezia, Jugoslavia eta Bulgariaren arteko txapelketa izan zen. Hiru urtetako iraupena izan zuen, 1929tik 1931era eta Errumaniak irabazi zuen. Hurrengo ekitaldietan talde berdinek hartu zuten parte eta astebeteko iraupena izan zuen txapelketak.

Bigarren Mundu Gerrak beharturiko pausaldiaren ondoren 1946an abiatu zen txapelketa berria. Greziak utzi egin zuen eta bere lekua Albaniak hartu zuen, garaipena lortuz gainera. 1947 eta 1948 urteetan txapelketa handitu nahi izan zuten eta Hungaria, Polonia eta Txekoslovakiako selekzioak gehitu zituzten. Txapelketa berriaren izena Balkanetako eta Europa Erdialdeko Txapelketa izan zen. 1948ko ekitaldia ordea bukatu gabe bertan behera gelditu zen.

1973an berrekin zitzaion txapelketari, oraingoan Errumania, Bulgaria, Grezia eta Turkia parte hartzaile zirela. Lau urte iraun zituen txapelketa honek. 1977an Jugoslavia gehitu zitzaien eta hau ere luzea izan zen, 1980an amaitu baitzen. Ez zen beste ekitaldirik izan.

PalmaresaAldatu

Urtea Txapelduna Bigarrena Hirugarrena Golegile nagusia (golak)
1929-31   Errumania   Jugoslavia   Grezia   Iuliu Bodola (7),   Rudolf Wetzer (7)
1931   Bulgaria   Turkia   Jugoslavia   Asen Panchev (3)
1932   Bulgaria   Jugoslavia   Errumania   Aleksandar Živković (5)
1933   Errumania   Jugoslavia   Bulgaria   Gheorghe Ciolac (4),   Ștefan Dobay (4)
1934-35   Jugoslavia   Grezia   Errumania   Aleksandar Tirnanić (3),   Aleksandar Tomašević (3)
1935   Jugoslavia   Bulgaria   Grezia   Lyubomir Angelov (5)
1936   Errumania   Bulgaria   Grezia   Sándor Schwartz (4)
1937-45 ez jokatuak
1946   Albania   Jugoslavia   Errumania   Loro Boriçi (2),   Qamil Teliti (2)
  Nicolae Reuter (2),   Božidar Sandić (2)
1947   Hungaria   Jugoslavia   Errumania   Ferenc Deák (5)
1948* - - -   Ferenc Puskás (8)
1948-72 ez jokatuak
1973-76   Bulgaria   Errumania -   Cemil Turan (4)
1977-80   Errumania   Jugoslavia -   Anghel Iordănescu (6)
  • 1948an txapelketa amaitu ez bazen ere 16 partida jokatu ziren.

GaraipenakAldatu

Selekzioa Garaipenak urteak
  Errumania 4 1929-31, 1933, 1936, 1977-80
  Bulgaria 3 1931, 1932, 1973-76
  Jugoslavia 2 1934-35, 1935
  Albania 1 1946
  Hungaria 1 1947

Kanpo estekakAldatu