Atalo II.a
Atalo II.a Filadelfo (antzinako grezieraz: Ἄτταλος Β΄ ὁ Φιλάδελφος, Attalos II Philadelphos, «Anaia maite duena») (K.a. 220-K.a. 138), Pergamoko errege bat izan zen. Atalo I.a Soter erregearen bigarren semea zen, eta, tronura, bere anaia Eumenes II.a K.a. 159an hil ondoren igo zen.
| Atalo II.a | |||
|---|---|---|---|
 | |||
| |||
| Bizitza | |||
| Jaiotza | K.a. 220 | ||
| Heriotza | Pergamo, K.a. 138 (81/82 urte) | ||
| Familia | |||
| Aita | Atalo I.a | ||
| Ama | Apollonis of Cyzicus | ||
| Ezkontidea(k) | Stratonice of Pergamon (en)  | ||
| Anai-arrebak | ikusi
| ||
| Leinua | Atalidar dinastia | ||
| Jarduerak | |||
| Jarduerak | politikaria | ||
| Zerbitzu militarra | |||
| Parte hartutako gatazkak | Galatian War (en) | ||
Karneade filosofoaren ikaslea izan zen eta bere izena daraman ataria jasoarazi zuen Atenasen.[1]
Errege izan aurretik, Atalo, jeneral nabarmen bat izan zen. K.a. 190ean, seleukotarren inbasio bati aurre egin zion, arrakastarekin, eta, hurrengo urtean, bere indarrak, erromatarrekin batera, Gneo Manlio Vulsoren agindupean Galazian borrokatzera zuzendu zituen. K.a. 182an, berriz seleukotarren aurka borrokatu zuen, Farnatzes I.a Pontokoa erregearen armadarekin bilduz. Azkenik, berriz lagundu zien erromatarrei K.a. 171n, Publio Lizinio Krasorekin aliatua Grezian Hirugarren Mazedoniar Gerran.
Atalok, zenbait misio diplomatiko ere bete zituen Erroman eta erromatarren estimua lortu zuen. Halako une batean, hauek, bere anaia tronutik kentzeko laguntza eman zioten, baina Atalok ez zuen onartu. Errege bihurtu zenean, erromatarren laguntza jaso zuen Prusias II.a Bitiniakoaren aurka K.a. 156 eta K.a. 154 bitartean, eta bere alde jarri ziren, Alexandro Balas erregegaiari, seleukotar tronua Demetrio I.a Soterri kentzen laguntzeko K.a. 150ean, eta, hurrengo urtean, Nikomedes II.ari laguntzeko, bere aita Prusias II.a tronutik kentzeko.
Bere erresuma hedatu zuen bere laguna zen Areriarates V.a Kapadoziakoaren laguntzarekin, eta Filadelfia eta Ataleia hiriak sortu zituen. Arte eta zientzien patroi ospetsu bat izan zen, baita brodatu mota berri baten sortzailea ere. Aguretu zenean, bere gobernu lanetako batzuk, Filopoemen izeneko bere ministroari eman zizkion.
Erreferentziak aldatu
Wikimedia Commonsen badira fitxategi gehiago, gai hau dutenak: Atalo II.a  |
Datuak: Q312431
Multimedia: Attalus II / Q312431
