Ireki menu nagusia

Astigarragako parrokia

eraikitako euskal ondare nabaria Astigarragan

Jasokundeko Ama Birjinaren eliza edo Astigarragako parrokia Astigarragako eliza nagusia da, herri honetako parrokia. Markesmendi deritzon muinoan dago kokatua. Zenbait izenekin da ezaguna herrian, Andra Mariaren Zeruratze Parrokia eta Murgiako Andre Mariaren eliza ere bai, Murgia jauregiaren ondoan dagoelako (eta konexio zuzena zuelako elizak Murgia sendi nabarmenaren etxe honekin)[1].

Astigarragako parrokia
Logotipo del Gobierno Vasco.svg Eraikitako euskal ondasun nabarmena
Euskal Herriaren barnealdeko Donejakue bidea Euskal Herriaren barnealdeko Donejakue bidea
Astigarraga - Iglesia de la Asunción de Nuestra Señora 02.jpg
Kokapena
Herrialdea  Euskal Herria
Probintzia  Gipuzkoa
Udalerria Astigarraga
Koordenatuak 43° 16′ 53″ N, 1° 56′ 56″ W / 43.2815045069°N,1.94875290267°W / 43.2815045069; -1.94875290267Koordenatuak: 43° 16′ 53″ N, 1° 56′ 56″ W / 43.2815045069°N,1.94875290267°W / 43.2815045069; -1.94875290267
Historia eta erabilera
EraikuntzaXVII. mendea -
Erlijioa katolizismoa
Arkitektura
Estiloa Barrokoa
Pizkundetar arkitektura
Ondarea
EJren ondarea 1

EzaugarriakAldatu

17. mendeko eraikina da, eta Pizkundeko eta Barrokoko arkitektura ezaugarriak ditu[2]. Gurutze latindarreko oinplanoa du eta baita bi atal errektangeluarrez osatutako nabe bat ere. Barrualdean, arkuteria handi baten gainean, korua dago. Kanpandorreak lau angeluko oinplanoa du eta 25 metroko altuera. Kanpandorreari atxikita daude sakristia, bataiotegia eta zurezko arkupe handi bat, eraikinaren eskuaira bat besarkatzen duena eta sarrera babesten. Arkupe horren gainean Murgiatarren armarria dago. Murgiatarren jauregia elizari atxikitzen zaio oin errektangeluarra duen gorputz baten bitartez, bertako balkoi sotil bat gurutzaduran agertzen delarik.

Bigarren karlistaldian, elizako erretaula nagusia suntsitu zen, eraikineko beste hainbat zati bezala. 1888. urtean Donostiako San Bizente elizatik ekarritako bat jarri zen haren lekuan, baina erretaula zaharraren irudi batzuk gorde ziren. Erretaulan Santa Ana, San Benito, San Inazio eta Jasokundearen irudiak agertzen dira. Horretaz gain, bi aldare ditu alboetan, bata San Isidrorena eta Andre Maria Doloretakoarena bestea. Bigarren horretan Familia Santuaren mihise bat dago eta Murgiatarren hilobia.

IruditegiaAldatu

ErreferentziakAldatu

  1. «Astigarraga - Monumentu interesgarriak», Astigarragako Udala - astigarraga.eus, . Noiz kontsultatua: 2019-09-09.
  2. «Igokundeko Ama Birjinaren eliza . Ondarea. Euskal Ondare Kulturalaren Informazio Sistemaren hasiera orria» www.euskadi.eus . Noiz kontsultatua: 2019-09-09.