Arratzain
Arratzain edo Bordatxo Gipuzkoako iparraldean dagoen mendia da, Usurbilgo udalerrian, Donostiatik hurbil. Mendizorrotz (415m) eta Kukuarri (377m) mendiekin batera, Urumea eta Oria ibaien bokaleak bereizten dituen mendilerroan dago. Donostialdeko ikuspegi zabalak eskaintzen dituen mendia da.
| Arratzain/Bordatxo | |
|---|---|
 | |
| Datu orokorrak | |
| Garaiera | 341 m |
| Mota | mendi |
| Geografia | |
 | |
| Koordenatuak | 43°17′35″N 2°03′24″W / 43.29306°N 2.05667°W |
| Mendikatea | Mendizorrozko mendilerroa |
| Herrialdea |  Euskal Herria |
| Probintzia |  Gipuzkoa |
| Mendizaletasuna | |
| Ohiko bidea | Usurbildik |
Giza presentzia aldatu
Egun, koniferak dira nagusi mendiko magaletan. Inguruetan zenbait baserri daude, hala nola Arratzainaundi, Arratzainzar, Arratzainborda, Arratzainberri, azken hau sagardotegia ere dena.
Azken orduko berri gisa, 2022ko apirilaren 17an hainbat kalte eta bortizkeri somatu ziren gurutzearen inguruan. Egileak ez dira identifikatu oraindik.[erreferentzia behar]
Historia aldatu
Arratzainberri baserritik gertu dagoen gain batean karlistek kainoiak jarri eta Donostia bonbardatu zuten. Bertatik egindako eraso baten ondorioz hil zen Bilintx bertsolaria, Bigarren Karlistaldi amaieran. Espainiako Gerra Zibilean, lubaki zenbait eraiki ziren Arratzainen, egun ere ikus daitezkeenak.
2021eko udan, Bordatxo Trial Team finkatu zen bertan. Talde honek Triala praktikatzen du Sherco eta Montesa markadun motorrekin.
Igoera aldatu
Usurbilgo Kalezar nahiz Elizaldetik egin daiteke igoera, errepidez Arratzainberri baserriraino helduta, mendi-bide eroso bat heltzen da denbora gutxian gailurrera. Donostiatik ere joan daiteke, Igara auzotik.
Bordatxo Trial Team-ek, hainbat bidetxur garbitu eta sortu ditu igoera egoki bat bermatzeko bisitariei.[erreferentzia behar]
Kanpo estekak aldatu
| Euskarazko Wikipedian bada atari bat, gai hau duena: Euskal Wikiatlasa |