Arrantzalearen emaztearen ametsa

Arrantzalearen emaztearen ametsa (japonieraz: 蛸と海女, tako to ama, Olagarroak eta emakume urpekaria) Katsushika Hokusai margolari japoniarrak egindako xilografia erotikoa da. 1814an egina, ukiyo-e genero artistikoa da.

Arrantzalearen emaztearen ametsa
Irudi gehiago
Jatorria
Sortzailea(k)	Katsushika Hokusai
Sorrera-urtea	1820
Ezaugarriak
Materiala(k)	zurra eta paperra
Dimentsioak	16,51 () × 22,23 () cm
Genero artistikoa	biluzia, Garrodun sexua, Shunga, ukiyo-ea eta ehon (en)
Telesaila	Kinoe no Komatsu (en)
Deskribapena

Deskribapena

Katsukawa Shunshō, Katsukawa Shunchō edo Kitao Shigemasa bezalako artisten adibideei jarraituz, Hokusairen lanak Ama emakume urpekari gazte bat erakusten du, bi olagarrorekin sexualki elkarlotuta; olagorro horietako txikienak bere garroetako batekin biltzen ditu neskaren titiburua eta musua, eta handienak, berriz, cunnilingus bat egiten dio. Olagarro handiak Oyakata (Nagusia) du izena eta olagarro txikiaren maisua da.

Historia

Hokusaik Arrantzalearen emaztearen ametsa sortu zuen Edo Aroan, sintoismoa berpizten ari zenean; horrek eragina izan zuen lanean ikusten den animismoan eta sexualitatearen aurreko jarrera pikaroan. Shungaren, hau da,Japoniako postalen genero artistiko erotikoaren adibide ospetsua da hau, eta artista japoniar ugarik antzeko gaiek berregin dute, hau da, gizakiak itsas animaliekin sexu-harremanak izaten erakusten. XVII. mendetik, bestetik, Japoniako netsukeetan agertu ziren, zentimetro gutxi batzuetako garaiera zuten eta askotan oso landuak dauden zizelkatutako estatua txikiak; horietan ere gaia jaso egin zen.

XIX. mendearen amaieratik aurrera, japonismoaren garapenari esker, Auguste Rodin eta Pablo Picasso bezalako artista europarrek Hokusairen lan honen bertsio erotiko berriak egin zituzten.

Kanpo estekak

• Datuak: Q2717022
• Multimedia: The Dream of the Fisherman's Wife / Q2717022