Aris F.C.

Aris F.C. edo Aris Tesalonika (grezieraz Αθλητικός Σύλλογος Άρης, Athlitikos Syllogos Aris, "Aris Athletik Kluba") Greziako futbol talde bat da, egoitza eta jokolekua Tesalonika hirian dituena.

Aris F.C.

Sorrera	1914
Futbol zelaia	Kleanthis Vikelidis Stadium edukiera: 22.800 lagun inaugurazioa: 1951
Presidentea	Theodoros Karipidis
Entrenatzailea	Apostolos Terzis
Liga	Superliga
2022-23	5.a
Webgunea	Webgune ofiziala
Etxekoa 　 Kanpokoa

Historia

1914an sortu zuten taldea eta Greziako lehen txapelketa profesionala irabazi zuen 1928an, Txapelketa Panheleniko ofiziala. Garai hartan Greziako talde indartsuenetakoa izan zen 1930ean bigarren, 1932an berriz ere txapeldun eta 1933an azkenik ere bigarren egin baitzuen. Orduan ere joaktu zituen kopako bi final, 1931an jokaturiko lehenengo Greziako Kopa AEK Atenasen aurka 5-3 galdu zuena, eta bigarrena 1933an Ethnikos Pireoren aurka, honetan ere galtzaile. 1940an berriz ere Kopa finalean sartu zen eta berriz ere galtzaile atera zen, oraingoan Panathinaikosen aurka.

Bigarren Mundu Gerra amaitu eta berehala hirugarren liga eskuratu zuen 1946an, orain arteko azkena. 1950an laugarren Kopa finala galdu zuen, berriz ere AEK Atenasen aurka.

Lehenengo Kopa 1970an irabazi zuen, tesalonikako beste taldearen aurka, PAOK, 1-0 emaitzaz. 1980an berriz ere talde indartsua osatu zuen eta Ligan bigarren egin zuen.

XXI mendean lau kopa final gehiago jokatu ditu eta denak galdu ditu. Azken urteetan arazo ugari izan ditu eta hirugarren mailetan jokatzen aritu izan da. Hala ere lortu du lehen mailara itzultzea.

Palmaresa

Grezian: 4

• Greziako Superliga
  • Txapelduna (3): 1928, 1932, 1946
  • Bigarrena (3): 1930, 1933, 1980
• Greziako Kopa
  • Txapelduna (1): 1970
  • Finalista (8): 1931, 1933, 1940, 1950, 2003, 2005, 2008, 2010.

Kanpo estekak

• (Grezieraz)(Ingelesez) Webgune ofiziala

• Datuak: Q219926
• Multimedia: Aris FC / Q219926