Ardagai konkordun
Ardagai konkorduna (Trametes gibbosa) Polyporaceae familiako onddo xilofago bat da. Ia urte osoan agertzen da hostozabalen basoetan, enbor eta motzondoetan. Hilda dagoen egurrean sortzen da. Espezie arrunta.[1]
| Ardagai konkorduna | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Polyporaceae |
| Generoa | Trametes |
| Espeziea | Trametes gibbosa Fr., 1838 |
| Basionimoa | Merulius gibbosus |
Deskribapena
aldatuKapela: 8 eta 20 cm arteko diametrokoa, zirkuluerdi formakoa, lau-konkorduna, sakonera txikiko ildo zentrokideekin; zuria edo zurixka, krema edo grisaxka kolorekoa, askotan berdea erdian, kolore hau bertan sortzen zaion algek ematen diote. Gainazalean ilupa du, ertza mehea.
Himenioa: 5 eta 10 (15) mm-ko tutu luzeak, zurixkak. Lerro erradialetan orientatutako poroak, angelutsuak edo angeluzuzenak, lehenengo zuriak gero kremak.
Hanka: Oinik gabea, espezie sesila da, bizi den zurezko substratuari atxikita.
Haragia: Mehea, batzuetan gune zirkular zentrokideak ditu, kortxoaren antzekoa, larrukara, trinkoa, zuria. Usain fungiko atsegina, askotan larbek eraso egiten diote. Zapore ahula.[2]
Etimologia: Trametes hitza latinezko “trama” hitzetik dator, ehun edo irun lodia, poroen itxuragatik. Gibbosa epitetoa berriz “gibboso” hitzetik dator, konkorduna esan nahi du. Kapelaren itxuragatik.
Jangarritasuna
aldatuJanezina.[3]
Nahasketa arriskua
aldatuTrametes hirsuta = Coriolus hirsutus perretxikoarekin, baina hau txikiagoa da, ileak tente ditu kapelan eta poro biribilak himenioan.[4]
Sasoia eta lekua
aldatuUrte osoan, pagoen enbor eta motzondoetan, oso ohikoa pagoetan, hala ere, Carpinus, Almus, Betula eta Populus zuhaitzetan ere garatu daitezke[5]
Banaketa eremua
aldatuIpar Amerika, Europa, Mendebaldeko Afrika, Erdialdeko Amerika, Brasil, Ekuador, Indonesia, Australia, Hegoafrika, Txina, India, Japonia, Erdialdeko Asia, Kaukasia.[6]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 648 or. ISBN 84-404-0530-8..
- ↑ (Gaztelaniaz) Lotina, Roberto. (1985). Mil setas ibericas.. Diputacion foral de vizcaya, 404 or. ISBN 84-505-1806-7..
- ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 472 or. ISBN 978-84-617-0196-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 565 or. ISBN 84-282-0540-X(T.2). ISBN: 84-282-0538-8 (O.C...
- ↑ Trametes gibbosa: GBIF—the Global Biodiversity Information Facility.
Kanpo estekak
aldatu
Datuak: Q472142
Multimedia: Trametes gibbosa / Q472142
Espezieak: Trametes gibbosa
