Wikipedia

Aminiasi Tuimaba

Aminiasi Tuimaba, (Vio uhartea]], Fiji, 1995eko martxoaren 26a), Fijiko 15eko eta 7ko errugbi jokalaria da, eta hegaleko bezala aritzen da. 2020tik aurrera, Pabeko Section paloise-n dabil Top 14an.

Aminiasi Tuimaba

Bizitza
JaiotzaFiji, 1995eko martxoaren 26a (29 urte)
Herrialdea Fiji
Jarduerak
Jarduerakhamabosteko errugbilaria eta zazpiko errugbi jokalaria
Posizio edo espezialitateahegalekoa
Instagram: aminiasi_tuimaba Edit the value on Wikidata

Ibilbidea aldatu

Aminiasi Tuimaba Lautokako Natabua Lizeoan ikasi zuen, non atletismoa eta 15eko errugbia praktikatzen zituen eta bere egundoko abiaduragatik nabarmenduko zen[1].

Gero, 13ko errugbira joan zen, eta Lautokako Saru Dragons-ekin jokatu zuen; ondoren, Cook Uharteetako Avaruan kokatutako Tupapa Panthers taldearekin jokatu zuen[1][2]. Gero, Yasawaren taldearekin, 15eko eta 7koa jokatzera itzuli zen[1]. Fijiko Armadan ere, izena eman zuen, eta, aldian-aldian, Zazpiko Militar-Txapelketan jokatu zuen[1][3].

Fijiko tokiko txapelketan egindako emanaldiei esker nabaritu zen, eta Gareth Baber Fiji rugby sevens taldeko entrenatzaileak aurkitu, eta World Rugby Sevens Serieseko 2018-2018 denboraldian jokatzeko kontratatu zuen[3]. 2018ko azaroan egin zituen lehen urratsak Fijiko selekzioarekin, Oceania Rugby Sevens Txapelketan[4]. Sevens Seriesen, Dubaiko txapelketan egin zuen debuta[1]. Lehen denboraldi hori, ikuspegi kolektibotik, arrakastaz bukatu zuen, bere taldeak World Rugby Sevens Series irabazi baitzuen, hamar txapelketatik bost irabaziz[5]. Abiadura-gaitasunei esker, hasierako hegaleko gisa finkatu zen, denboraldiko hamar txapelketa jokatuz, eta denboraldiko bigarren entesgu-erdiesle onena izatea lortu zuen (Carlin Isles estatubatuarraren atzetik), 53 partidatan 46 entsegu lortuta[6]. Denboraldiko talde-motarako ere hautatua izango da, Meli Derenalagi, Vilimoni Botitu eta Jerry Tuwai taldekideekin batera[7][8].

Hurrengo denboraldia, oinarri beretik hasi zuen, eta, probetan, bigarren onena zen (20 unitaterekin) 2020ko martxoan Covid-19 pandemiaren ondorioz denboraldia eten zenean[2][9]. Dena den, 2020ko Udako Olinpiar Jokoak, Tuimabak bere selekzioarekin jokatu nahi zituenak, 2021era atzeratuko ziren[10][11].

2020ko maiatzean, bi denboraldiko kontratua sinatu zuen Paueko Sekzioarekin Top 14an[12][13]. Lehen denboraldia Top 14an, korapilatsua egin zuen 2021eko udaberrira arte; gero, ordea, oso indartsu amaitu zuen denboraldia, sei partidatan sei entsegu lortuz[14][15].

Fijiko selekzioarekin, 7ko errugbira itzuliko da Tokioko 2020ko Olinpiar Jokoetarako[16]. Urrezko domina irabazi zuen, Zeelanda Berria taldeari finalean irabazi ostean[17]. 2020ko Udako Olinpiar Jokoetan, Tokio 2020an (Tokio), urrezko domina irabaziko du Fijiko taldearekin, Zeelanda Berrikoaren (zilarrekoa) eta Argentinakoaren (brontzezkoa) aurretik sailkatuz. Hauek osatuko dute Fijiko taldea: Napolioni Bolaca, Vilimoni Botitu, Meli Derenalagi, Sireli Maqala, Iosefo Masi, Waisea Nacuqu, Kalione Nasoko, Semi Radradra, Aminiasi Tuimaba, Asaeli Tuivuaka, Jerry Tuwai, Josua Vakurunabili eta Jiuta Wainiqolo-k[18][19].

Olinpiar-emaitzak aldatu

Udako Olinpiar Jokoak
Urtea Lekua Domina Proba
2020 Tokio
  Japonia 		  Zazpiko-errugbia
gizonezkoa[20].

Gainerakoak aldatu

Zazpiko errugbian aldatu

  • 2018: World Rugby Sevens Serieseko irabazlea.

Erreferentziak aldatu

  1. ↑ a b c d e A star in the making. 7 décembre 2018.
  2. ↑ a b 4 Fast Men To Watch In Los Angeles Sevens. 25 janvier 2020.
  3. ↑ a b Tuimaba’s time to shine. 18 décembre 2018.
  4. ↑ Fiji names strong squads for Oceania Rugby Sevens and Japan Oita 7s invitational. 7 novembre 2018.
  5. ↑ Sport: Fiji win World Sevens Series. 3 juin 2019.
  6. ↑ Aminiasi Tuimaba international. .
  7. ↑ Fiji sevens dominate end of season awards. 3 juin 2019.
  8. ↑ Four Fiji players named in World Sevens Series Dream Team. 3 juin 2019.
  9. ↑ New Zealand awarded titles as HSBC World Rugby Sevens Series 2020 concluded. 30 juin 2020.
  10. ↑ Tuimaba’s mission. 7 juin 2020.
  11. ↑ My current form is not enough for an Olympic spot: Tuimaba. 9 juin 2020.
  12. ↑ Tuimaba to join Pau. 13 mai 2020.
  13. ↑ Pau annonce quatre recrues. 26 juin 2020.
  14. ↑ Section Paloise : Tuimaba ou l’envol du Fidjien. 6 juin 2021.
  15. ↑ Section Paloise : « Mini » Tuimaba, atouts d’un grand. 3 juin 2021.
  16. ↑ Rugby – Section Paloise : Tuimaba aux JO de Tokyo. 4 juillet 2021.
  17. ↑ Les Fidjiens champions olympiques aux dépens de la Nouvelle-Zélande à Tokyo. 28 juillet 2021.
  18. ↑ «Aminiasi Tuimaba» olympedia.org 2022-01-29an.
  19. ↑ «Aminiasi Tuimaba» Olympics.com 2022-02-04an begiratua (Gaztelaniaz)
  20. ↑ "Zazpiko-errugbia, gizonezkoa, emaitzak 2020" olympedia.org (Ingelesez)

Kanpo estekak aldatu

"https://eu.wikipedia.org/w/index.php?title=Aminiasi_Tuimaba&oldid=8846721"(e)tik eskuratuta