Aitor Carrillo

Aito Carrillo Tumas (Hondarribia, 1971ko irailaren 4a) traineru estropadetako patroi izandakoa da, Hondarribia Arraun Elkartearekin hasi eta Orio eta Getarian ere aritu zena. 2012an izan zuen azkenengo denboraldia.

Aitor Carrillo
Bizitza
Jaiotza	Hondarribia, 1971ko irailaren 4a (53 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	arraunlaria

Kirol ibilbidea

1992an egin zuen debuta Kontxako Banderan Hondarribiarekin eta hamarkada horretan patroi titularra izan zen. Emaitzarik aipagarriena 1995eko Espainiako txapelketan eta Euskadiko txapelketan lortu zuen, zilarrezko bi domina.

2002an Oriok fitxatu zuen eta harekin 2002an Euskadiko txapelduna izan zen. Orion izan zen bitartean 2007an Getariako traineruarekin KAE Liga irabazi zuen eta TKE Ligara igotzerik ez zuen lortu ehunenekoengatik. 2010ean, berriz Oriorekin, Kontxan eta TKE Ligan bigarren egin zuen. 2010an bertan TKE Ligako patroi onenaren saria ere jaso zuen. 2011ean ordea denboraldi kaxkarra egin zuten oriotarrek eta maila galdu zuten. 2012an itzuli ziren Aitor Carrillo txopan zutela KAE Liga irabazita. Honen ondoren erretiroa hartu zuen.

Taldeak

Honako talde hauetan aritu da Aitor Carrillo:

Taldeak	Denboraldiak
Hondarribia Arraun Elkartea	1987-2001
Orio Arraunketa Elkartea	2001-2006
Getariako Arraun Elkartea	2007
Orio Arraunketa Elkartea	2008-2012

Palmaresa

• Kontxako Banderak (0): bigarren 2010an.
• Espainiako Traineru Txapelketak (0): bigarren 1995ean
• TKE Ligak (0): bigarren 1995ean
  • patroirik onenaren saria (1): 2010.
  • KAE Ligak (2): 2007, 2012
• Euskadiko Traineru Txapelketak (1): 2002
• Bandera nagusiak:
  • El Corte Ingles Bandera (1): 2003.
  • Zarauzko Ikurrina (1): 2002.

Kanpo estekak

• Datuak: Q113556592