Agaricus gennadii
Agaricus gennadii Agaricaceae familiako perretxiko espezie bat da.[1] Ezin da jangarritzat jo usain txarra duelako, baina batez ere urria delako.
| Agaricus gennadii | |
|---|---|
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Agaricaceae |
| Generoa | Agaricus |
| Espeziea | Agaricus gennadii P.D.Orton, 1960 |
Sinonimoa: Clarkeinda cellaris.
Deskribapena aldatu
Kapela: 6 eta 9 cm bitarteko diametrokoa, haragitsua, ganbil-laua, glabroa, leuna, ertza osoa; kolorea zurixkatik alutazeo zurbilera, azkenean lau angeluko aureolatan ildaskatutako geruza bat du.
Orriak: Estu, biribildu-itsatsiak, zuri-arrosa kolorekoak, ondoren arrosa ilunagoak eta azkenik beltzak.
Hanka: 5 eta 7 cm bitarteko garaierakoa eta 1,5 eta 2 cm bitarteko lodierakoa, arrautza-erraboil formako oinarria, arbi baten gisakoa, oinetik bereiz daiteke, lehenik ezkatatsua, gero laua, betea eta barrubetea; bolba mehea, mintzezkoa, erdi askea, zuri zikin kolorekoa, lobulu ugarirekin edo oinean banandurik.
Haragia: Zuria, trinkoa, usain txarrekoa eta zaporegabea.[2]
Etimologia: Cellaris epitetoa latinetik dator, soto, upategi, esan nahi duen "cella" hitzetik. Leku horretan aurkitu zelako lehen aldiz.
Jangarritasuna aldatu
Usain txarreko jangarria.
Nahasketa arriskua aldatu
Agaricus pequinii delakoarekin, hau handiagoa da (5-14). Agaricus bitorquis espeziearekin ere bai, honek eraztun bikoitza du goian. Agaricus bernardii perretxikoarekin, goian eraztun hondarrekin.
Sasoia eta lekua aldatu
Udan eta udazkenean. Upategi hareatsuetan, baina baita parke eta lorategietan ere, zedro zuhaitzetatik gertu.
Banaketa eremua aldatu
Ameriketako Estatu Batuak, Europa, Turkmenistan, Zeelanda Berria.[3]
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 85 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ Agaricus gennadii: GBIF—the Global Biodiversity Information Facility.
Kanpo estekak aldatu
Datuak: Q10403037
