Abukirko gudua (1799)
Abukirko gudua 1799an Abukirren egondako guda bat izan zen. Guda hau Napoleon Bonaparteren azken garaipen militarra izan zen Egipton, Frantziara bueltatu aurretik, Egipto berreskuratzeko saio-otomandarra zapuztuz.
| Abukirko gudua | |||
|---|---|---|---|
| Frantziako Iraultzako Gerrak | |||
 Antoine-Jean Grosen margolana | |||
| Data | 1799ko uztailaren 25etik abuztuaren 2ra | ||
| Lekua | Abukirko badia | ||
| Koordenatuak | 31°19′00″N 30°04′00″E / 31.3167°N 30.0667°E | ||
| Emaitza | Frantziarren garaipena | ||
| Gudulariak | |||
| |||
| Buruzagiak | |||
| |||
| Indarra | |||
| |||
| Galerak | |||
| |||
Otomandar erasoa eta frantziar erantzuna aldatu
1799ko martxoan, Mustafa Paxaren agintean zeuden hemezortzi mila gizoneko armada turkiarra lehorreratu zuen Abukirren (Egipton). Napoleon ( c. 1769 - c. 1821), Acre setiatzen ari zena, honetaz jakin zuenean, setioa altxatu zuen Siriatik erretiratuz. Napoleon hegoalderantz abiatzen zen bitartean, otomandarrek Egiptoko itsasertzean zeuden Frantziako gudaroste txikiak garaitu zituzten.
Ekainaren 14an, Napoleon Bonaparte Kairora heldu zen, gutxi gorabehera zazpi mila soldaduekin. Jeneralak beste gudaroste batzuen unitateak bildu zituen eta iparralderantz abiatu zen. Hamar egun geroago, Abukirren bildutako otomandarrak aurkitu zituen, bere ontzidiaren ondoan, hiru borroka-lerrotan eta bi gotorlekutan zabalduta.
Frantziarrek erasoa burutu zuten. Turkiarrak esperientzia gabezia zela eta, turkiarrak ezin izan zieten aurre egin frantziarren hamar mila soldadu beteranoei. Egun haietako eguerdi batean, Joachim Murat (c. 1767 - c. 1815) jeneralaren zalditeria karga batek otomandarrak jarri zituen ihesean, gotorlekuetako bat hartu zuen eta Mustafa harrapatu zuen eta bertan harekin zeuden sei mila gizonek amore eman zuten.
Gudaren emaitza aldatu
Frantziarrek hirurehun eta laurogeita sei hildako izan zituzten. Otomandarrek beste bi mila gizon hildako izan zituzten borrokan, gehi itotako beste lau mila. Beste bi mila eta bostehun turkiar Abukirreko gazteluan giltzaperatu ziren, baina ez zeukaten edateko urik. Hurrengo astean zehar, haietako mila hil ziren, abuztuaren 2an, gainerako gudari turkiarrak bandera zuria altxatu zuten.
Kanpo estekak aldatu
Datuak: Q778800
Multimedia: Battle of Abukir (1799) / Q778800
