44 Bootis
44 Bootis (44 Boo/i Bootis) Boötes (idizaina) konstelazioan dagoen izar sistema hirukoitz bat da, Nekkarretik (β Bootis) iparraldera eta Benetnaschetik (η Ursae Majoris) hego-ekialdera dagoena. +4,83ko itxurazko magnitudekoa, gure eguzki-sistematik 41,6 argi urteko distantziara dago.
| Behaketa data Garaia J2000 Ekinokzioa J2000 | |
|---|---|
| Konstelazioa | Boötes |
| Igoera zuzena | 15h 03m 47.29565s |
| Deklinazioa | +47° 39′ 14.6228″ |
| Itxurazko magnitudea (V) | 4.75 |
| Ezaugarriak | |
| Mota espektrala | G0Vnv + F |
| U−B kolore indizea | 0.09 |
| B−V kolore indizea | 0.65 |
| Aldakor mota | W UMa aldakor |
| Astrometria | |
| Abiadura erradiala (Rv) | -17.89 km/s |
| Berezko mugimendua (μ) | IZ: -445.84 mas/u Dec.: 19.86 mas/u |
| Paralajea (π) | 78.39 ± 1.03 mas |
| Distantzia | 41,6 ± 0,5 au (12,8 ± 0,2 pc) |
| Magnitude absolutua (MV) | 2.211 |
| Zehaztasunak | |
| 44 Boo A | |
| Gainazaleko grabitatea (log g) | 4.33 |
| Tenperatura | 5,877 K |
| Metaltasuna [Fe/H] | -0.24 dex |
| Adina | 1.4–1.5 Gu |
| Orbita | |
| Lehenengoa | 44 Boo A |
| Orbita-aroa (P) | 209.8 u |
| Ardatz erdihandia (a) | 3.666" |
| Okerdura (i) | 83.6° |
| Nodoaren luzera (Ω) | 57.1° |
| Periastron argudioa (ω) (bigarrena) | 39.9° |
| Beste izendapenak | |
| Datubase erreferentziak | |
| SIMBAD | data |
| Datuen iturria(k): | |
| Hipparcos katalogoa, CCDM (2002), Bright Star Catalogue (5. ed.) |
Izar sistema
aldatuSistema osatzen duten hiru izarrek gure eguzkiaren antzeko ezaugarri fisikoak dituzte. 44 Bootis A 44 Bootis BC sistema bitarretik 48,5 unitate astronomikoko distantziara dago bataz beste, orbita nabarmenki eszentrikoa bada ere (e = 0,55). Orbita periodoa 206 urtekoa da, eta orbita planoa lurreko behatzaileekiko 84º okertua dago.
Osagaien ezaugarriak
aldatu44 Bootis A sekuentzia nagusiko izar hori bat da, F5-G1V espektro motakoa, gure eguzkiarenaren antzekoak edo arinki handixeagoak diren masa eta diametro batekin. Bere argitasuna gure eguzkiarena baino %14 handiagoa da. 44 Bootis B G2V espektro motako nano hori bat da, gure eguzkiarenaren masa berdina, eguzki erradioaren %87 eta %89 arteko erradioa eta gure izarraren argitasunaren %54a dituena.
44 Bootis W Ursae Majoris motako izar aldakor itzaltzaile bezala sailkatua dago. B osagaiak kontaktuzko izar bitartzat hartzeko bezain hurbil dagoen kide espektroskopiko bat du, horrek bi izarrek fotosfera konpartitzen dutela esan nahi du, bakoitzak bere nukleo propioa izan arren. Elkarrengandik 0,008 unitate astronomikoko distantziara (Lurretik Ilargirako distantziaren hirukoitza inguru), 6,427 ordutan osatzen duten orbita zirkular batean mugitzen dira. A eta B izarrak buelta bakoitzean bi aldiz elkar itzaltzen dira, hiru ordutik behin. Bitar espektroskopikoaren argi kurban gertatutako bariazioak izar batetik besterako masa transferentziaren ondorio direla uste da.
Sistema honen metaltasuna (helioa baino elementu astunagoen ugaritasun erlatiboa) gure eguzkiarena baino txikiagoa da ([Fe/H] = -0,19). Bere litio edukia gure izarrarena baino arinki handixeagoa da (logє[Li] = 1,95). Bestalde, ez dago bere adinari buruzko adostasunik. X izpien esparruan duen aktibitatea kontutan hartuz gero, 44 Bootis soilik 130 milioi urte izango lituzkeen sistema gazte bat izango litzateke, baina bere aktibitate kromosferikoa erreferentzia bezala hartuz gero, bere adina 1890 milioi urtekoa izan liteke.
