Yohann Diniz
Yohann Diniz (Épernay, Frantzia; 1978ko urtarrilaren 1a) atleta frantziarra da, 50 kilometroko ibilketako probako munduko txapelduna.[1]
| Yohann Diniz | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | |||||||||||||||||||||||||||||||||||||||
| Bizitza | |||||||||||||||||||||||||||||||||||||||
| Jaiotza | Épernay, 1978ko urtarrilaren 1a (46 urte) | ||||||||||||||||||||||||||||||||||||||
| Herrialdea |  Frantzia | ||||||||||||||||||||||||||||||||||||||
| Hezkuntza | |||||||||||||||||||||||||||||||||||||||
| Hizkuntzak | frantsesa | ||||||||||||||||||||||||||||||||||||||
| Jarduerak | |||||||||||||||||||||||||||||||||||||||
| Jarduerak | atleta | ||||||||||||||||||||||||||||||||||||||
| |||||||||||||||||||||||||||||||||||||||
| Pisua | 66 kilogramo | ||||||||||||||||||||||||||||||||||||||
| Altuera | 185 zentimetro | ||||||||||||||||||||||||||||||||||||||
   | |||||||||||||||||||||||||||||||||||||||
Kirol ibilbidea aldatu
2006ko Europako Atletismo Txapelketan urrezko domina irabazi zuen 50 kilometro ibilketa proban, 3:41:39 denborarekin. Bere marka pertsonalik onena izan zen, eta Jesús Ángel García Bragado espainiarraren eta Yuri Andronov errusiarraren aurretik iritsi zen helmugara.[2]
Osakako 2007ko Munduko Txapelketan zilarra irabazi zuen proba berean, Nathan Deakes australiarraren atzetik eta Alex Schwazer italiarraren aurretik.[3]
2008ko Udako Olinpiar Jokoetan, Beijingen, hezetasun handiko egun batean, Dinizek martxa utzi behar izan zuen 30 kilometro egin ostean, arazo gastrointestinal baten ondorioz.
Hiru urte geroago, 2010eko Europako Atletismo Txapelketan urrezko domina irabazi zuen, 3h:40:37 segundoko denborarekin, eta Grzegorz Sudoel poloniarraren eta Sergei Bakulin errusiarraren (brontzea) aurretik iritsi zen helmugara.[2]
2012ko Udako Olinpiar Jokoetan Diniz kanporatu zuten 8. iritsi ostean, 38. kilometroan ur botila bat hartu zuelako horretarako prestatutako eremutik kanpo.
2014ko Munduko Atletismo Txapelketan munduko errekor berria ezarri zuen 3:32:33rekin, aurreko errekorra baino minutu bat eta 41 segundo azkarrago, nahiz eta amaitzen ari zela guztiz gelditu zen Portugalgo bandera bat eskatzeko, berriki hildako bere amona portugaldarrari omenaldia egin nahi ziolako[4].
2016ko Udako Olinpiar Jokoetan, lasterketa buru zela, berriro ere izan zituen arazo gastrointestinalak eta gelditu behar izan zen lasterketaren erdian. Hala ere, aukera izan zuen berreskuratu eta zortzigarren amaitzeko[5].
Ondoren, Londresko 2017 Munduko Txapelketan urrezko domina irabazi zuen proba berean, Hirooki Arai (zilarra) eta Kai Kobayashi (brontzea) japoniarren aurretik.[6]
2020ko Udako Olinpiar Jokoetan, Tokion, behin eta berriz gelditu ostean, berriro ere lasterketa utzi behar izan zuen.[7]
Erreferentziak aldatu
- ↑ «Yohann DINIZ» Olympics.com (Noiz kontsultatua: 2021-08-06).
- ↑ a b (Ingelesez) «European Athletics | European Athletics» european-athletics.com (Noiz kontsultatua: 2021-08-06).
- ↑ (Ingelesez) «20 Kilometres Race Walk Result | 11th IAAF World Championships in Athletics» www.worldathletics.org (Noiz kontsultatua: 2021-08-06).
- ↑ (Ingelesez) Zaccardi, Nick. (2014-08-15). «Yohann Diniz stops to celebrate before breaking 50km race walk world record» OlympicTalk | NBC Sports (Noiz kontsultatua: 2021-08-06).
- ↑ Augustine, Bernie. «It looks like French race walker Yohann Diniz pooped his pants mid-race at the Olympics» nydailynews.com (Noiz kontsultatua: 2021-08-06).
- ↑ (Ingelesez) «50 Kilometres Race Walk Result | IAAF World Championships London 2017» www.worldathletics.org (Noiz kontsultatua: 2021-08-06).
- ↑ (Gaztelaniaz) «El 'show' de Diniz en el 50 marcha: lidera, parada en el baño, revienta y abandono» MARCA 2021-08-05 (Noiz kontsultatua: 2021-08-06).
Kanpo estekak aldatu
Datuak: Q705966
Multimedia: Yohann Diniz / Q705966
