X kumaldia

X kumaldia edo Ekialdeko Kumaldi Handia Ameriketako Estatu Batuetako ekialdean erregularki agertzen den zikada periodikoen 15 kumaldietako bat da. 17 urtero gertatzen den zikaden artean kontzentraziorik eta hedapenik handiena duena da^[1]^[2]. 2021ean eman zen kumaldi handiaren osteko hurrengoa 2038an izango dela aurreikusten da^[3].

Ezaugarriak aldatu

17 urtean behin, X kumaldiko zikaden ninfek tunel bat egiten dute gorantz modu masiboan, lurzoruaren gainetik agertzeko. Intsektuek, orduan, euren exoeskeletoa uzten dute zuhaitzetan edo beste gainazal batzuetan, eta heldu bilakatzen dira. Zikada helduek hegan egiten dute, ugaldu, arrautzak uzten dituzte adaxketan eta, aste gutxiren buruan, guztiak hiltzen dira. Intsektuen lurrazpiko bizitzaren, bat-bateko emergentzia masiboaren eta helduaro motzaren konbinazioak baimentzen die bizitzea predatzaile ugari izanda ere^[1].

X kumaldia endemikoa da Indianan, Pennsylvaniako hego-ekialdean, Marylanden, New Jerseyn, Delawaren, Tennesseeko ekialdean, Virginian eta Washington DCn^[4]. Hiru espezie daude kumaldi honetan, Magicicada septendecim, Magicicada cassinii eta Magicicada septendecula, zuhaitz espezie ezberdinak eta arren kanta ezberdinak dituztenak^[5].

X kumaldia agertzen Druid Hill Parken, Baltimore, Maryland (2021ko maiatzaren 13)
Muda prozesuaren bideo bat.
X kumaldiko zikada bat eta exubiak, Columbus (Ohio).
Talde baten agerraldiaren xehetasuna Finneytown (Ohio)
X kumaldiko zikada bat arrautzak erruten zuhaitz batean, Baltimoren, 2021eko maiatzaren 26a.
X kumaldiko zikada bat masusta gazte baten gainean, 2021eko maiatzaren 22a, Perry Hall (Maryland).