Vitoxa
Vitoxa (zirilikoz Витоша) Bulgariako hiriburua den Sofiatik kanpoaldera dagoen mendilerro bat da. Vitoxa, Sofiaren ikurretako bat da, eta txangoak, alpinismoa eta eskia egiteko hurbilen dagoen tokia. Autobus eta tranbia erosoak eta teleferikoak daude, mendia, erraza eta irisgarria egiten dutena. Vitoxak, kupula handi baten forma du. Mendiaren lurraldeak, Vitoxa parke naturala hartzen du, Balkanetako penintsulako lehen parkea dena eta tokirik ezagun eta bisitatuenak inguratzen dituena. Mendiaren magalean, hiriko auzoetako batzuk daude: Simeonovo, Dragalevtsi, Boyana eta Knyajevo, non iturburu mineral bat dagoen. Vitoxa Bulgariako mendirik bisitatuena da.
| Vitoxa | |
|---|---|
 | |
| Datu orokorrak | |
| Mendirik altuena | Cherni Vrah (en)  |
| Garaiera | 2.292 m |
| Prominentzia | 1.275 m |
| Mota | mendi |
| Luzera | 19 km |
| Zabalera | 17 km |
| Azalera | 311,28 km² |
| Geografia | |
 | |
| Koordenatuak | 42°34′N 23°17′E / 42.57°N 23.28°E |
| Herrialdea |  Bulgaria |
| Bulgariako oblast | Sofia-hiria probintzia |
| Lehen igoera | 1895eko abuztuak 27an, Aleko Konstantinov |
Mendia, sumendi aktibitatearen ondorioz sortu zen, eta kupula handi baten profila du. Vitoxarentzat, ez dira bereizgarriak haranak bezalako erliebe forma sakonak. Hori, mendi nahiko gazte bat izatearen ondorio da. Vitoxaren ikur, "harrizko ibaiak" dira, morrena bezala ezagutzen direnak baina halakorik ez direnak. Ur arruntak lisaturiko eta biribildutako harri bloke multzoketa erakusten dute. Harrizko ibaiak, toki turistiko nagusi bat dira mendi honetan.
