Victoria Raquel Bajar Simsolo
| Victoria Raquel Bajar Simsolo | |
|---|---|
| Bizitza | |
| Jaiotza | Argentina, 1942ko uztailaren 6a |
| Herrialdea |  Argentina |
| Heriotza | 2016ko martxoaren 24a (73 urte) |
| Hezkuntza | |
| Heziketa | Buenos Airesko Unibertsitatea Joseph Fourier University (en)  |
| Hezkuntza-maila | doktoretza |
| Jarduerak | |
| Jarduerak | informatikaria |
Victoria Raquel Bajar Simsolo (1942ko uztailaren 6a, Buenos Aires - 2016ko martxoaren 24a) Argentinako Zientzia Konputagailu karrerako lehen emakume graduatua izan zen. Mexikon informatika karreren garapena bultzatu zuen eta bertan goi mailako hainbat eskola sortu eta unibertsitateetarako karrera plan batzuk garatu zituen.[1][2]
Ibilbidea
aldatuMatematikan lizentziatura egiten ari zenean, Manuel Sadoskyren ikaslea izan zen. Hark konputazioaren etorkizunari buruz hitz egiten zien bere ikasleei, eta gero Zientzia Zehatz eta Naturalen Fakultateko Kalkulu Institutuan (Buenos Airesko Unibertsitatea) harekin partekatu zituen ikerketak. Han, oinarrizko softwarearen eta hizkuntzalaritza konputazionalaren garatzaile jardun zuen 1961 eta 1965 artean.[3][1] Urte horietan lehen mailako eskoletan ere maistra aritu zen.[4]
Konputagailu Zientifikoko lehen ikasle-taldearekin ikasi zuen, eta titulua lortu zuen lehen emakumea izan zen.[2]
Jorge Santosek eraiki behar zuen konputagailu baterako kodea garatu zuen, UBAko Mercury-n izandako esperientzian oinarrituta, Hegoaldeko Unibertsitate Nazionalerako, Arturo Frondizi Argentinako orduko presidenteak esleitutako funtsekin, baina proiektua bertan behera geratu zen 1962ko Estatu Kolpeak gobernua eraitsi ondoren.[5]K
Karguak
aldatuBesteak beste, kargu hauek izan zituen:
- Argentina, Frantzia eta Mexikoko unibertsitateetako irakaslea izan zen, eta CINVESTAVen ikerlari gisa aritu zen 5 urtez;[1]
- Informatikako Hezkuntza Erakundeen Elkarte Nazionaleko (ANIEI) presidentea 1988 eta 1990 artean;[1]
- Mexikoko Institutu Teknologiko Autonomoko (ITAM) Konputazio Dibisio Akademikoaren sortzailea eta zuzendaria 15 urtez, 1979 eta 1994 bitartean, UICko Informatika Eskolako zuzendari sortzailea (1995-1996).[1] Eta CIC-IPNko Ikerketa Aplikatuko zuzendariordea.[1]
Institutu Politekniko Nazionaleko Kalkulu eta Zerbitzu Informatikoen Koordinazio Orokorreko Zentro Nazionaleko Sistemen Garapeneko Dibisioaren arduraduna ere izan zen.[6]
Bi konputazio-liburu eta kudeaketa akademikoari buruzko liburu bat idatzi ditu, berrogei artikulu baino gehiago, softwarearen egilea da eta lizentziatura eta maisutasun mailako berrogei tesi baino gehiagoren zuzendaria da.[7][1]
Erreferentziak
aldatu- ↑ a b c d e f g «Victoria Raquel Bajar Simsolor» fgalindosoria.com.
- ↑ a b «Victoria Raquel Bajar» catunescomujer.org.
- ↑ «DR. MANUEL SADOSKY Recuerdos» delzorzal.com.
- ↑ «SOFIA: UN NUEVO PARADIGMA EN EDUCACIÓN VIRTUAL» mineducacion.gov.co.
- ↑ «La Computadora de la Universidad del Sur» dialnet.unirioja.es.
- ↑ [http://www.educarjuntos.com.ar/wp-content/imagenes/Tutoriaensuperior.pdf «2 o Encuentro Institucional de Tutorías»] educarjuntos.com.ar.
- ↑ «Gestión del personal académico en las instituciones de educación superior» uam.mx.
Kanpo estekak
aldatu
Datuak: Q34658533
