Vicky Luengo
Victoria Luengo, ezagunagoa Vicky Luengo izenez (Palma Mallorcakoa, Balearrak, 1990eko apirilaren 7a) mallorcar aktorea da, Antidisturbios (2020) seriean egin zen ezaguna. Hainbat saritarako izendatu zuten, eta fikziozko emakumezko interpreterik onenaren Ondas saria jaso zuen 2021ean.[1]
| Vicky Luengo | |
|---|---|
.jpg) (2020) | |
| Bizitza | |
| Jaiotzako izen-deiturak | Victoria Luengo |
| Jaiotza | Palma Mallorcakoa, 1990eko apirilaren 7a (34 urte) |
| Herrialdea |  Espainia |
| Hezkuntza | |
| Hizkuntzak | gaztelania katalana |
| Jarduerak | |
| Jarduerak | aktorea |
| Jasotako sariak | ikusi
|
    | |
Biografia aldatu
Vicky Luengo Palman jaio zen, Mallorcan, 1990eko apirilaren 7an, baina Bartzelonan bizi izan zen (Sagrada Familia auzoan) 4 urtetatik 18 urtera. Antzerkia egiten hasi zen eskolaz kanpoko jarduera gisa, lehen hezkuntza ikastearekin batera, Bartzelonako Escola Memory interpretazio-eskola espezializatuan izena eman zuen arte. Agertokira modu profesionalean igo zen lehen aldia 14 urterekin izan zen.[2]
Ibilbide profesionala aldatu
Bere lehen lan profesionala Bartzelonan izan zen haurrentzako antzerki musikaleko lan batean, baina Una historia catalana (2013) lanaren taldeko kide izan arte, ez zuen pentsatu aktore izatea lortu zuenik. Kataluniako Teatro Nazionalean antzeztu zuenean konturatu zn baietz, lortu zuela.[3] Lehen filmazioa Rumors (2007) telefilmean egin zuen. Nerabe bat interpretatu zuen, eta hortik egin zuen jauzi Telecinco kateko Hospital Central telesaileko atal batean parte hartuta.[4] Aurrerago, Ari pertsonaia izan zen paper nabarmena La pecera de Eva (2010) telesailean. Gainera, Club Super3 haurrentzako saioan eta El cor de la ciutat eta La Riera telesailetan bigarren mailako gisa parte hartu zuen.[2]
2011n, Telecinco Homicidios telesailean izan zuen lehen rol protagonista, Maria Losada interpretatu baitzuen.[5] Claudio Zulianen Born (2014) filmean egindako lanak saria eman zion New York City International Film Festivalen.[4] Urtebete geroago, Dani de la Orden Barcelona, noche de invierno film luzean parte hartu zuen, Olga pertsonaia interpretatuz.[6] Geroago, aintzatespen handiagoa lortu zuen Mateo Gilek zuzendutako Las leyes de la termodinámica(2018) filmeko lanarekin.[7]
2019an Raquel Ramírez interpretatu zuen Telecincoren Secretos de Estado telesailean.[8] Urtebete geroago, Hogar (Netflixen originala) filmean parte hartu zuen,[9] eta Amazon Prime Video eta Telecinco Madres. Amor y vida lanean lehen denboraldiko protagonistetako bat izan zen, Natalia hain zuzen ere.[10] Urte horretan bertan, Laia Urquijo protagonista nagusia interpretatu zuen, Movistar+ Antidisturbios telesailaren jatorrizko seriean. Rodrigo Sorogoyenek zuzendu zuen, eta kritika onak jaso zituen. Bost aktore onenaren saria jaso zuen Feroz Sarietan, Forqué Sarietan, Iris Sarietan, Fotogramas de Plata eta Zapping Sarietan.[11][12] Gainera, Gasteizko FesTVren hamahirugarren edizioaren saria jaso zuen, seriean egindako interpretazioarengatik eta «aktore gisa egindako ibilbide bikainarengatik».[13] Horrez gain, MiM Series sarietan aktore onenaren saria jaso zuen.[14]
2021eko irailean Chavalas filma estreinatu zuen, eta bertan Marta interpretatu zuen; gainera, 2020ko azken hilabeteetan, El sustituto filmaren filmazion jardun zuen.[15][16] David Verdaguerrekin batera, Historias para no dormir saioaren atal bat ere egin zuen.[17]
2022an, Gero antzerkira itzuli zen Felicia interpretatuz Juan Mayorgak idatzi eta Alfredo Sanzolek María Guerrero Antzokirako zuzendutako El Golem lanean.[18] Antonia Scott interpretatu zuen Amazon Prime Video Reina Roja proiektuan, Juan Gómez Juradoren nobeletan oinarrituta.
2022an, Suro film luzea estreinatu zuen zineman, Pol López protagonistakide zuela. Filma Mikel Gurrea zinemagilearen debuta izan zen. Donostiako Zinemaldian Urrezko Maskorrerako hautagaia izan zen, eta Goya Sarietarako bi izendapen jaso zituen: bata zuzendari berri onenaren sarirako eta bestea Vicky Luengorentzat, aktore onenaren sarirako.[19]
Filmografia aldatu
Zinema aldatu
| Urtea | Izenburua | Pertsonaia | Zuzendaria |
|---|---|---|---|
| 2014 | Wax | Minstrel | Víctor Matellano |
| Born | Marianna | Claudio Zulian | |
| 2015 | Barcelona, noche de invierno | Olga | Dani de la Orden |
| 2017 | Blue Rai | Lola | Pedro B. Abreu |
| 2017 | Os fillos do sol | Elena | Ramón Costafreda eta Kiko Ruiz Claverol |
| 2018 | Las leyes de la termodinámica | Eva | Mateo Gil |
| 2020 | Hogar | Natalia | Álex Pastor eta David Pastor |
| 2021 | Chavalas | Marta | Carol Rodriguez Colas |
| El sustituto | Eva | Óscar Aibar | |
| 2022 | Suro | Elena | Mikel Gurrea |
Telebista aldatu
| Urtea | Izenburua | Pertsonaia | Kanala | Oharrak |
|---|---|---|---|---|
| 2007 | Rumors | Nerabea | TV3 | Telefilmea |
| 2008 | El cor de la ciutat | Viki | Atal 1 | |
| Hospital Central | Sandra | Telecinco | Atal 1 | |
| 2009 | El pacto | Merche | 2 atal | |
| 2010 | La pecera de Eva | Ari | 36 atal | |
| 2011 | Homicidios | María Losada | 13 atal | |
| 2012-2017 | La Riera | Míriam Ambrós | TV3 | 43 atal |
| 2013 | El don de Alba | Zoe Santos / Natalia Santos | Telecinco | Atal 1 |
| Camping Paradis | Gloria | TF1 | Atal 1 | |
| 2014 | Salaó | Montserrat | TV3 | Atal 1 |
| 2019 | Secretos de Estado | Raquel Ramírez | Telecinco | 13 atal |
| 2020 | Madres. Amor y vida | Natalia Revidiu | 12 atal | |
| Antidisturbios | Laia Urquijo | Movistar+ | 6 atal | |
| 2021 | Historias para no dormir | Eva | Prime Video | Atal 1 |
| 2024 - presente | Reina Roja | Antonia Scott | 7 atal |
Antzerkia aldatu
| Urtea | Izenburua | Pertsonaia | Zuzendaria |
|---|---|---|---|
| 2013 | Una historia catalana | Jordi Casanovas | |
| 2016 | Història | Pau Roca | |
| 2017 | Una vida Americana | Robin Rose | Víctor Sánchez Rodríguez |
| 2017 | #LifeSpoiler | Marc Angelet y Alejo Levis | |
| 2021 | Principiantes | Laura | Andrés Lima |
| 2022 | El Golem | Felicia | Alfredo Sanzol |
| 2023-2024 | Prima Facie | Tess | Juan Carlos Fisher |
Sariak aldatu
| Urtea | Kategoria | Lana | Emaitza |
|---|---|---|---|
| 2023 | Antzerkiko aktore onena | Prima Facie | Irabazlea |
Erreferentziak aldatu
- ↑ «'Crims', Iñaki Gabilondo, Roberto Leal y Vicky Luengo, premios Ondas 2021» La Vanguardia 2021-10-20.
- ↑ a b «La mujer del momento, Vicky Luengo» Press Reader (Mia) 20 de enero de 2021.
- ↑ Vicky Luengo: Con 14 años me dije que nunca haría otra cosa que ser actriz. Agencia EFE 10 de mayo de 2020.
- ↑ a b Qué ha hecho antes Vicky Luengo, la protagonista de 'Antidisturbios'. Huffington Post 19 de octubre de 2020.
- ↑ Marian Aguilera, Esmeralda Moya y Miguel de Miguel se suman al reparto de 'Homicidios'. Formula TV 17 de febrero de 2011.
- ↑ 'Barcelona, noche de invierno': Otra noche mágica. eCartelera 3 de diciembre de 2015.
- ↑ 'Las leyes de la termodinámica': Chino Darín pierde los papeles en este clip exclusivo. eCartelera 11 de abril de 2018.
- ↑ «'Secretos de Estado', el 'thriller' de Telecinco sobre el precio del poder» Telemanía (Mediaset) 10 de febrero de 2019.
- ↑ Segundo programa de «En cuarentena» con la película Hogar. Culturamanía 7 de abril de 2020.
- ↑ Las protagonistas de ‘Madres’: mujeres que luchan por no perder su identidad mientras sus hijos se convierten en el centro de sus vidas. Telecinco 30 de abril de 2020.
- ↑ 'Antidisturbios'. Los nuevos centuriones. El Cultural 16 de octubre de 2020.
- ↑ Crítica de ‘Antidisturbios’: un retrato poliédrico sobre un sistema estancado y podrido. Los Lunes Seriéfilos 16 de octubre de 2020.
- ↑ 'Antidisturbios', 'Hierro' y 'Pasapalabra', entre los formatos premiados de la 13ª edición del FesTVal. Formula TV 26 de agosto de 2021.
- ↑ Lista de ganadores, Premios MiM Series 2021. 22 de febrero de 2002.
- ↑ 'Chavalas': Tráiler de la nueva película de Vicky Luengo. Fotogramas 12 de mayo de 2021.
- ↑ ¿Quién es Vicky Luengo? Su familia, su pareja y su papel en 'Antidisturbios'. Europa FM 16 de febrero de 2021.
- ↑ Vicky Luengo y David Verdaguer protagonizan el capítulo de 'Historias para no dormir' de Sorogoyen. Formula TV 10 de marzo de 2021.
- ↑ Hernández Nieto, Antonio. (7 de marzo de 2022). 'El Golem': aciertos, desaciertos y Vicky Luengo. Madrid.
- ↑ RTVE.es. (2022-12-02). «'Suro', la última gran sorprensa del cine español» RTVE.es.
Kanpo estekak aldatu
Datuak: Q6161447
Multimedia: Vicky Luengo / Q6161447
