Vadodara (gujarateraz: વડોદરા) Indiako mendebal erdialdeko hiria eta izen bereko barrutiko (7.788 km2 eta 2.560.000 biztanle) administrazio-gunea da, Gujarateko estatuaren eki-erdialdean, Visvamitra ibaiaren ertzean, Ahmadabadeko hiriaren hego-ekialdean. 1.021.084 biztanle (1991). Unibertsitatea. Aireportua. Burdinbide- eta errepide-gune garrantzitsua. Nekazaritza-produktuen merkataritza (arroza, artoa, kotoia) eta industria (ehungintza, janari-industria, kimika-industria) dira ekonomia-jarduera nagusiak. Oso hiri ikusgarria da, eta jauregi, ate, parke eta etorbide zabalez hornitua da.