Víkingur Reykjavik

Vikingur Reykjavik (islandieraz Knattspyrnufélagið Víkingur) Islandiako futbol taldea da, Reykjavik hiriburukoa. Islandiako 5 Liga eta Kopa bat irabazi ditu.

Vikingur Reykjavik

Sorrera	1908
Futbol zelaia	Víkin - Víkingsvöllur edukiera: 1.450 lagun inaugurazioa: 2005
Presidentea	Fridrik Magnusson
Entrenatzailea	Arnar Gunnlaugsson
Liga	Islandiako Liga
2023	1.a
Webgunea	www.vikingur.is
Etxekoa 　 Kanpokoa

Historia

Taldea 1908an sortu zen eta lehenengo hamar urtetan ez zuen partida bakar bat galdu, baina titulurik ere ez zuen irabazi, ez baitzuen txapelketa ofizialik jokatu. 1918an txapelketetan parte hartzen hasi zen eta 1920 eta 1924ko Islandiako Ligak irabazi zituen.

Islandiako Kopa bakarra eskuratu du, 1971koa. 1981 eta 1982an Liga berriak irabazi zituen. 1982-83 denboraldiko Europako Kopan Errealaren aurka jokatu zuen eta kanporatua izan zen, dena dela Atotxan bi gol sartzeko gai izan zen. Lorturiko azkenengo titulua 1991ko Liga izan zen.

Azken hamarkadetan lehen eta bigarren maila arteko taldea izan da. 2014an Ligan laugarren egitea lortu zuen eta 2015-16ko UEFA Europa Leagueko lehen kanporaketa jokatu du baina FC Koper esloveniarrak kanporatu du. 2021ean Liga eta Kopa irabazi zituen.

Palmaresa

Islandian: 20

• Islandiako Liga (7): 1920, 1924, 1981, 1982, 1991, 2021, 2023.
• Islandiako Kopa (5): 1971, 2019, 2021, 2022, 2023.
• Islandiako Superkopa (3): 1982, 1983, 2022.
• Reykiavikeko Txapelketa (5): 1940, 1974, 1976, 1980, 1982.

Euskal taldeen aurkako partidak

Vikingurrek kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
1982-83	Europako Kopa	Final hamaseirenak	Vikingur Real Sociedad	0-1 3-2	Real Sociedad Vikingur

Kanpo estekak

• (Islandieraz) Webgune ofiziala

• Datuak: Q1140538
• Multimedia: Knattspyrnufélagið Víkingur / Q1140538