Urre-tximeleta handi

Urre-tximeleta handia (chlodes sylvanus) Hesperiidae familiako lepidopteroen espezie bat da. Europan eta Asian aurkitzen da, Iberiar penintsulatik Txina eta Japoniaraino. Belarrak altu hazten diren edozein tokitan nahiko ohikoa da.

Urre-tximeleta handi
Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Hesperiidae
Leinua	Hesperiini
Generoa	Ochlodes
Espeziea	Ochlodes sylvanus Esper, 1777
Banaketa mapa
Datu orokorrak
Ostalaria	Alka-belar

Deskribapena

Imagoa

Tximeleta ertaina da izenean "handia" badu ere, 29-34 mm-ko hegal zabalera du. Hegal laranjak ditu eta ertz marroidunak. Tarteka orbai argiago batzuk ere izaten ditu. Hegalen azpialdea berdexka da eta puntu horixkak ditu, belar artean kamuflatzeko balio diotenak.

Gorputza berdexka da eta kakodun antenak ditu burualdean.

Beldarra

Beldarrak 28 milimetrotako luzera har dezake. Burua marroi ilun-beltza da, gorputza ordea berdea da. Alboetan lerro horixka bana ditu, azpialdean lerro beltz batek zeharkatzen du gorputza.

Bizi zikloa

Beldarra elikatuko den landarearen hostoen azpialdean jartzen ditu arrautzak emeak. Beldarra jaiotzen da eta neguan lozorroan sartzen da. Udaberrian esnatzen denean beldarrak elikatzen jarraitzen du eta maiatza aldera pupa bihurtzen da. Hiru aste egiten ditu horrela eta ondoren heldua ateratzen da. Abuzturarte ikusi ohi da tximeleta zelaietan.

Europa iparraldean errunaldi bakarra izaten du, baina hegoaldean bi edo hiru ere izan ditzake urte batean.

Iruditegia

• 
  Tximeleta arra.
• 
  Urre-tximeleta handia berdexka da azpialdean.
• 
  Arraren eta emearen kopula.
• 
  Beldarra.

Kanpo estekak

• Datuak: Q934570
• Multimedia: Ochlodes sylvanus / Q934570