Txikipedia:Wang Nan
Wang Nan ( txineraz : 王楠 , pinyineraz : Wáng Nán , Fushun , Liaoning , 1978ko urriaren 23a ) txinatar mahai-teniseko jokalaria da. Wang ITTF rankingeko lehen postuan egon zen 1999ko urtarriletik 2002ko azarora arte. Ezkerra da eta 7 urte zituela hasi zen mahai tenisean jokatzen. [1]
Ibilbidea aldatu
1995ean, Wang selekziorako hautatu zuten eta Txina ordezkatzen hasi zen lehiaketa handietan, hala nola Munduko Mahai Tenis Txapelketan, Emakumeen Mahai Teniseko Munduko Kopan eta Olinpiar Jokoetan. 1997an eta 1998an Emakumeen Mahai Teniseko Munduko Kopa bi aldiz irabazi zuen, baita Amerikako Irekia eta Txinako Irekia ere. 1998ko Bangkokeko Asiako Jokoetan, Wang-ek lau urrezko domina irabazi zituen (bakarka, binaka, binaka mistoa eta emakumezkoen taldeetan). 1998 amaieran, ITTF biraren finala irabazi zuen. [2]