Urraburu

Urraburua Ekialdeko Ozeano Atlantikoan eta Mediterraneo itsasoan bizi den ur gaziko arraina da.

Izena

Euskaraz urraburu esaten zaio. Izen zientifikoa latinezko Sparus aurata izenetik dator eta "aurata" hitzak "urrezkoa" esan nahi du.

Deskribapena

Urraburuaren marrazkia.

Gehienez 70cm-ko luzera har dezake eta 7'36kg-ko pisua eduki. 25 urte bizitzera irits daiteke.

Bizkarraldea gris urdinxka izaten du eta sabelaldea zilar kolorekoa. Bizkarraldean hegats bakarra du, buztanak eta ertz beltza du.

Burua ganbila da eta bi begi txiki ditu, aurrealdean urre koloreko marra bat dauka.

Bizitokia

Ur-azpiko zelaietan eta hondo hareatsuetan bizi da. Bakarrik edo talde txikietan ibiltzen da. Kostaldeko arraina da eta itsasertzeko aintziratan ere ohikoa da aurkitzea. Tenperaturaren aldaketek eragin handia egiten diote.

Elikadura

Haragijalea da, itsaskiak jaten ditu. Muskuiluak, ostrak, krustazeoak, itsas trikuak, zefalopodoak eta arrain txikiak jaten ditu. Dieta osatzeko, algak ere jaten ditu.

Ugalketa

Urriaren eta abenduaren artean jartzen ditu arrautzak. Bi egun igarotakoan arrautzetatik larbak ateratzen dira, 2'5-3mm-ko luzerakoak.

Sukaldaritza

Ba al dakizu

Ar jaiotzen dira eta gutxi gorabehera hiru urte betetzen dituztenean eme bihurtzen dira.

Oso arrain preziatua da gastronomian, haren haragia jateko ona baita. Hainbat eratara prestatzen da, parrillan, labean edo frijituta.