Txikipedia:Talaka
Talaka beleak eta antzeko animaliak izutzeko soinu-tresna da, idiofonoen familiakoa.
Nolakoa da?
aldatuBertikalki jarritako zurezko makila handia da. Goialdean armazoi bati lotuta helize gisako lau gurutze edo pala luze ditu. Tresna honek zarata handia emateko baditu matraka moduan bueltak ematen dituzten bi taulatxo ardatzari lotuak, segaren kontra kolpatzen dutenak.
Nola funtzionatzen du?
aldatuHaizeak gurutze palei eragiten die eta hauek beste guztia martxan jartzen dute.
Zertarako balio du?
aldatuBeleak eta halako beste txoriak izutzeko erabiltzen zen.
Non aurki daiteke?
aldatuDonostiako San Telmo Museoan halako tramankulu bitxia gorderik dute, 1916. urtean Lekaroztik (Nafarroa) museora ekarria.