Txikipedia:Albaniera

Albaniera hitz egiten den eremua, mapa batean

Albaniera indoeuropar hizkuntza bat da, Europako hego-ekialdean hitz egiten dena. Gaur egun, ia 6 milioi pertsonak hitz egiten dute. Hizkuntza ofiziala da Albanian eta Kosovon, baina Mazedonian, Montenegron, Serbian, Grezian eta Italian hitz egiten da ere bai.

Nondik dator albaniera?

Eztabaida egon arren, Formula e pagëzimit albanieraz idatzitako lehenengo testutzat hartzen da. Erlijoari buruzko testuak jasotzen ditu, 1462an idatzitakoak.

Aurreneko liburu ezaguna 1555ekoa da, Meshari izenekoa. Lehendabiziko hiztegia (latina-albaniera), berriz, XVII. mendean sortu zen.

Dialektoak

Albanierak bi dialekto nagusi ditu:

· Gheg, Shkumbin ibaiaren iparraldean hitz egiten dena.

· Tosk, ibaiaren hegoaldean hitz egiten dena.

Horretaz gain, Albaniatik kanpo albaniera hitz egiten denez, aldaera gehiago ditu. Adibidez:

· Arbëshkera, Italiako hegoaldean.

· Arvanitika, Grezian.

Esamoldeak

Nola esaten da?

Zenbakiak një dy tre katër pesë gjashtë shtatë tetë nëntë dhjetë njëqind njëmijë Esaldi erabilgarriak Kaixo!: Tungjatjeta Zer moduz?: Si jeni? Ondo, eskerrik asko: Mirë, falemenderit Nola duzu izena?: Si quheni? Mesedez: Ju lutem Bai: Po Ez: Jo Aio: Mirupafshim Egun on: Mirëmëngjes Arratsalde on: Mirëdita Gabon: Mirëmbrëma Gero arte: Shihemi më vonë Maite zaitut: Të dua