Triglav

Triglav
Triglav
Datu orokorrak
Garaiera	2.864 m
Prominentzia	2.059 m
Mota	mendi eta punturik altuena
Geografia
Koordenatuak	46°22′42″N 13°50′12″E / 46.378333°N 13.836667°E
Mendikatea	Triglav Group (en)
Estatu burujabe	Eslovenia
Municipality of Slovenia	Municipality of Kranjska Gora
Babestutako-eremua	Triglav Parke Nazionala
Mendizaletasuna
Lehen igoera	1778
Geologia
Material nagusia	kareharri
Garaia	Triasiko

Triglav, 2.864 metroko altuerarekin, Esloveniako mendi garaiena da, eta Juliotar Alpeetako altuena ere bai. Jugoslavia guztiko gailurra ere izan zen. Esloveniako sinbolo nagusietakoa da eta, horren ondorioz, herrialdeko armarrian ageri da.

Izena

Triglav mendia Esloveniako armarrian.

Historian zehar hainbat izen izan ditu; Ocra mons (1567), Krma (XVII mendean)... Adolf Gstirner mendizale alemaniarrak dioenez, Triglav izena lehen aldiz 1452an azaldu zen, Treglau idatzita.

Izena Tri-golvъ hitz konposatutik dator eta "hiru tontor" esan nahi du.

Historia

1778an Sigmund Zois industriagizonak bultzaturiko espedizio batek lortu zuen lehen aldiz mendia igotzea. Štefan Rožič ehiztariak eta Luka Korošec eta Matevž Kos meatzariek gailurra zapaltzea lortu omen zuten. 1808an, Valentin Stanič-ek mendia lehen aldiz neurtu zuen.

1981, urtean Triglav Parke Nazionala eratu zen. Hainbat zabalkuntza izan ditu eta egun 880 km² hartzen ditu.

Tontorra

Tontorrean Aljaž dorrea dago, triangulazio funtzioaz gain, tximistorratz gisa ere jokatzen duena. Jakob Aljaž mendizalearen omenez jarri zitzaion izena, berak 1895ean eraiki baitzuen. Tontorretik 55 metro beherako Stanič aterpea dago, hori ere Aljažek aginduz egina. Valentin Stanič-en izena jarri zitzaion.

Glaziarra

Tontorraren azpiko eremu karstifikatuaren gainean Triglav glaziarra (Triglavski ledenik) zabaltzen da. XIX mendean 40 hektarea hartzen zituen baina 1946rako 15 hektareatara txikituta zegoen. Egun 1 eta 3 hektarea artean dauka.

Iruditegia

Juliotar Alpeak, ezkerrean Triglav.
Vogel-etik ikusita.
Iparraldeko ikuspegia.
Aljaž dorrea.
Triglav glaziarra 2002an.

Ikus, gainera

Kanpo estekak

Datuak: Q1024
Multimedia: Triglav / Q1024