Torres itsasarteko uharteak

Torres itsasarteko uharteak 270 uharte baino gehiagoko talde bat dira, Torres itsasartean, Queenslandeko York lurmuturraren penintsula eta Papua Ginea Berria bereizten dituen ur-eremuan, daudenak. Ia uharte guztiak Queensland estatuaren zati dira, uharte gutxi batzuk izan ezik, Daru uhartea kasu, Papua Ginea Berriarenak direnak. Bertoko biztanleak -Torres itsasarteko uhartetarrak- Australiako indigenetik berezia den etnia bat osatzen dute, papuekin harremanak dituena.

Torres itsasarteko uharteak
Datu orokorrak
Mota	uharte multzoa
Azalera	566 km²
Geografia
Koordenatuak	9°52′49″S 142°35′26″E
Honen parte da	Far North Queensland (en)
Estatu burujabe	Australia
Australiako estatu	Queensland
Ur-gorputza	Torres itsasartea

Geografia

Uharteak 45.000 km²-ko eremuan sakabanatuta daude. Punturik laburrenean itsasarteak 150 kilometroko zabalera du, eta uharteak 200 kilometrotik 300 kilometrora hedatzen dira ipar-hego lerro honen bi aldeetan. Ipar-mendebaldeko muturreko irlak Papua Ginea Berriko kostaldetik kilometro gutxi batzuetara baino ez daude.

Torres itsasartea Australiako egungo kontinentea eta Ginea Berria lotzen zituen lur-zubi zahar bat da, lur horien multzoak Sahul izeneko plataforma osatzen zuenean. Azken glaziazioaren ondorengo itsasoen mailaren igoerak, lurreko pasabide hau urperatu zuen, honela, Arafura itsasoa eta Koral itsasoa lotzen dituen egungo itsasartea eratuz. Itsasarteko uharte asko urpean dauden antzinako lurren tontorrak dira.

Australiako Torres itsasarteko uharteak 5 uharte-taldetan sailkatzen dira:

Ipar-mendebaldeko uharteak

• Sabai
• Boigu
• Dauan

Mendebaldeko uharteak

• Moa
• Badu
• Mabuiag

Barnealdeko uharteak

• Waiben (Thursday uhartea)
• Horn
• Muralag
• Dumaralug

Erdialdeko uharteak

• Gebar
• Iama
• Masig
• Poruma

Ekialdeko uharteak

• Murray (Mer)
• Erub
• Ugar

Kanpo estekak

• Datuak: Q1059258
• Multimedia: Torres Strait Islands / Q1059258