Tobermory

Tobermory (Eskoziako gaeleraz: Tobar Mhoire) Eskoziako Argyll eta Bute eskualdeko hiria da, Mull uharteko herri bakarra da, 2014ko erroldaren arabera 980 biztanle ditu, uharte guztiaren herena.

Tobermory Tobar Mhoire
Eskozia
Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Argyll eta Bute
Posta kodea	PA75
Geografia
Koordenatuak	56°37′N 6°04′W
Demografia
Biztanleria	1.010 (2016)
Informazio gehigarria
Sorrera	1788
tobermory.co.uk

Etimologia

Gaelerazko Tobar Mhoire izenak "Maryren putzua" esan nahi du. Amabirjinari aintzina dedikaturiko putzu baten inguruan sortu bide zen herria.

Geografia

Uhartearen ipar-ekialdean kokaturik dago. Calve uharteak babesten du Tobermoryko kaia. Uharte honek populaziorik ez du.

Historia

1588an Espainiako Itsas Armada Garaiezinaren parte zen itsasontzi bat bertan gelditu zen hornigaiak hartzeko baina hainbat istilu izan ondoren itsasontziak sua hartu eta lehertu egin zen. Barnean zeramatzan urrezko lingoteak Tobermoryko lokatzen azpian omen daude, baina saiakerak egin diren arren ez dira oraindik aurkitu.

Tobermory bera 1788an sortu zuten arrantza portu izateko. 1880an kaltzio silikato hidratatu berezi bat aurkitu zuten eta tobermorita izena eman zioten.

Bigarren Mundu Gerrako Atlantikoko borrokan Royal Navyren entrenamendu basea izan zen.

Biztanleak

%71 eskoziarrak dira eta %23an ingeles jatorrikoak.

Ondasun nabarmenak

• Tobermory whisky distilategia
• An Tobar arte galeria

Iruditegia

• 
  Herriaren ikuspegia.
• 
  Kaialdea.
• 
  Parrokia.
• 
  Tobermory whisky distilategia.
• 
  Calve uhartea.
• 
  Rubha nan Gall itsasargia.

Kanpo estekak

• Datuak: Q416901
• Multimedia: Tobermory / Q416901