Stóra Dímun

Stóra Dímun
Stóra Dímun
Datu orokorrak
Mota	uharte
Azalera	2,7 km²
Geografia
Koordenatuak	61°41′37″N 6°45′20″W / 61.6937°N 6.7555°W
Honen parte da	Faroeak
Region of the Faroe Islands	Sandoyar
Municipality of the Faroe Islands	Skúvoy Municipality
Ur-gorputza	Ozeano Atlantikoa

Stóra Dímun (danieraz: Store Dimon) Faroe uhartetako hemezortzi uharteetatik hirugarren txikiena da. Norvegiako itsasoan dago. Uhartean etxe bakarra dago.

Etimologia aldatu

Stóra Dímun izenak jatorri zeltiarra du. Dímun "Bi muino" esan nahi du. Izenak uharte honi eta aldamenekoari, Lítla Dímun, erreferentzia egiten dio.

Ezaugarriak aldatu

Uhartearen zabalera 2,7 km²koa da. 2004an lau pertsona bizi ziren, guztiak familia berekoak. Punta garaiena Høgoyggj muinoa da, 396 metrokin.

Ondoan Lítla Dímun uhartea dago eta biek nahiko lotura izan dute betidanik; administratiboki, Suðuroy uhartean dagoen Hvalba herritik menpe dago. Stóra Dímunen oso jende gutxi biza da eta kanpoko komunikazioa helikopteroz egiten da; ferriyren bidezko komunikaziorik ez dago. Zuhaitzak ere ez daude. Begetazio guztia belarra eta sasiak da. Faunaren ikuspuntutik ardiak (400 inguru) eta itsas hegaztiak ikus daitezke (antxetak, fraterculak). 1808an gaur egun desagertuta dagoen Pinguinus impennis espeziaren animalia bat ikusi egin zen; handik gutxira Islandian espeziaren azken aleak hil zituzten.

Historia aldatu

Nahiz eta bere tamainua eta egoera, Faroe uhartetako historian bere garrantzia izan du batez ere X. mendean. Færeyinga Sagaren arabera (Faroeen Saga) urte haietan uhartean Sigmundur Brestisson bizi zen; Sigmundur orduan bereatzi urte zituen eta ikusi zuen bere aita, Brestir Sigmundsson, eta bere osaba, Beinir Sigmundsson, nola hiltzen zituzten. Geroago, 999.urtean kristaua egin zela esaten digu saga horrek eta, artxipelagoren ohitura jarraituz mendeku hartu beharrean, ohitura hori ezabatzen saiatu zen.

1920 arte uhartean eliza baten erorkinak zeuden. Egun desagertu dira.